Асосий мавзулар
17 январ 2021

Насафий: “Қўшиқ ўғриси эмасман”

Насафий тахаллуси билан ижод қилаётган 23 ёшли қўшиқчи Азизиддин Акмалов ўзининг маъмурий жавобгарликка тортилганини интернетда тарқалган хабарлар орқали билганини маълум қилди. 

Унинг “Элтуз”га айтишича, унга ҳеч ким жарима тўлаши ҳақида хабар бермаган.

“Муаллифлик ва турдош ҳуқуқларни ҳимоя қилиш жамоат бирлашмаси томонидан Ўзбекистон халқ артисти Шерали Жўраев ижросидаги “Қора кўзли санамжон” қўшиғи ва шеърини муаллифнинг розилигисиз, асар яхлитлигини бузган ҳолда ижро этиб, уни интернетда тарқатаётган ва бунинг ортидан моддий манфаат топаётган экансиз, деган қабилида қўнғироқ бўлди. 

Биз бунинг асоссизлигини исботлаб ариза билан мурожаат қилдик. Мен Усмон Азимнинг шеърини эмас, марҳум шоир Охунжон Ҳакимовнинг шеърларини қўшиқ қилиб куйлаганман. Мен буни ўз аризамда ҳам айтиб ўтганман. 

Ҳеч кимнинг ижодини ўғирламаганман ва бузмаганман. Менинг йўналишим на Шерали Жўраевникига, на бошқаникига яқин. Менинг ўз услубим, уларнинг алоҳида йўлим бор”, деди Насафий “Элтуз” билан суҳбатда.

Интеллектуал мулк агентлиги матбуот котиби Феруз Жўраевнинг “Элтуз”га айтишича, томонларнинг аризаси икки ой давомида экспертлар томонидан ўрганиб чиқилган.

– Экспертлар хулосасига кўра, суд Насафийни Маъмурий жавобгарлик тўғрисидаги кодекснинг 177(1)-моддаси 1-қисмида назарда тутилган маъмурий ҳуқуқбузарликни содир қилган, деб топди, – деди Феруз Жўраев. – Унга нисбатан базавий ҳисоблаш миқдорининг 3 баравари, яъни 669 минг сўм жарима жазоси тайинлаган. Томонлар норози бўлса, иш яна кўриб чиқилиши мумкин.

Қўшиқчининг маъмури Зоҳид Жабборов “бугун одамлар Насафийни эшита бошлагани, тушуна бошлагани”ни таъкидлади. 

“Ёшликда нималар бўлмайди. Билиб-билмай, янгилик қиламан деб яратган имижи туфайли унга тошлар ёғилди. Аслида у ҳаётда унақа эмас. Жиддий, ёшига мос кийинади. 

Энг муҳими, санъатни тушунади. Туғма истеъдодли бола. Ўша овоза бўлган имиж – соч бўяш, ноодатий мўйлов ва кийимлар барчаси клип учун қилинган. Буни Насафийнинг клип учун яратган образи, деб қабул қилиш керак. 

Бугунги кунда Насафий билан хайрия концертлари ўтказяпмиз, меҳрибонлик уйларига, мактабларга бориб совға-саломлар улашиб келяпмиз. Насиб этса, карантин очилгандан сўнг гала концертлар, яккахон концертлар ўтказиш ниятимиз бор”, деди Зоҳид Жабборов “Элтуз” билан суҳбатда.

Тағин ўқинг
6 апрел 2020
Карантин боис уйда ўтирган ўзбек шоири ва мухолифат лидери Муҳаммад Солиҳ эндиликда китоб ўқишга ва янги асарлар ёзишга кўпроқ ...
26 март 2018
Президент Мирзиёев 23 март кунги йиғилишда матбуотни мақтамасликка, бор ҳақиқатни кўрсатишга чақирди. «Мақтаманглар. Мақтайдиган даврлар ўтиб бўлган. Раислар билан ...
18 январ 2016
Режалар зўр, аслидачи? Расмий нашрларда ёзилишича, Ўзбекистон президенти Вазирлар Маҳкамаси йиғилишида мамлакатнинг ялпи ички маҳсулотини 2030 йилгача 2 баробар ...
4 май 2018
Диний идорага яқин бир манбанинг «Элтуз» нашрига билдиришича, 60 яшар Анвар қори Турсунов 1 май куни сунъий кома ҳолатидан ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...