Асосий мавзулар
21 феврал 2021

Бердимуҳамедовнинг қариндошини мусобақада енгган ўзбек ўлдирилди

Туркманистонда 14 ёшли дзюдочи Сулаймон Турсунбоев жангда президентнинг қариндошига «ютқазиб бериш»дан бош тортгани учун ўлдирилди. Фожеа февраль ойининг бошларида содир бўлган, аммо бу ҳақда шу кунларда маълум бўлди.

Дзюдо турнирида Сулаймон Турсунбоев ўз рақиби – Туркманистон Ички ишлар вазирлигининг ёш курсантига таслим бўлиш таклифини олди. Сулаймон рад этди ҳамда нафақат шу беллашувда, балки бутун турнирда ғалаба қозонди.

Шундан сўнг дарҳол ўспиринни номаълум шахслар ўғирлаб кетишди. Бола қаттиқ калтакланди ва кўчада чала ўлик ҳолда топилди. Ён-атрофдагилар унга тез ёрдам чақиришди. Оғир аҳволдаги ўсмир 500 чақирим масофадаги Кўҳна Урганч тумани касалхонасига етказилди ва бир неча кундан сўнг ўша ерда ўлди.

Таниқли туркман фаоли Султон Очилова видеомурожаат ёзиб, унда президент Гурбангули Бердимуҳамедовни айбдорларни топиш ва жазолашга чақирди. Аммо бу амалга ошиши эҳтимолдан йироқ.

Гап шундаки, Сулаймон жангда ютқазиб бериши керак бўлган сирли курсант жорий президентнинг ўғли Сардор Бердимуҳамедовнинг хотинига қариндош бўлиб чиқди.

Туркманистон президенти Гурбангули Бердимуҳамедов бир ҳафта олдин ўғли Сардорни ўзига ўринбосар ва мамлакат Олий назорат палатасига раис этиб тайинлаган эди.

Ўлдирилган Турсунбоев Туркманистоннинг асосий ерли аҳолиси бўлган ўабеклар вакилидир. Туркманистондаги ўзбеклар сони ҳақида расмий маълумот йўқ, аммо уларнинг сони мамлакат аҳолисининг 10 фоизмга яқин экани айтилади. Бу кўрсаткич Қирғизистон ва Тожикистонда 15 фоизни ташкил қилади.

1991 йилда Совет Иттифоқи қулаши ортидан Туркманистондаги ўзбек газета-журналларини чоп қилиш тўхтатилган¸ мактабларда ўзбек тилида дарс бериш бекор қилинган эди. Туркманистондаги ўзбеклар вакили «Элтуз» мухбири билан суҳбатда ўзларини камситилган деб билишини айтган эди.

Марказий Осиëдаги аҳолиси энг кўп бўлган Ўзбекистон қўшни давлатлардаги биродарлари билан яқин алоқа ўрнатиб, уларнинг тарафини олиши ҳақидаги хавотирларга қарамай, расмий Тошкент ташқаридаги ўзбеклар муаммоларини инкор этиб келиши кузатилади.

Тағин ўқинг
9 март 2018
Ўтган ўн беш кун ичида Ўзбекистонда Рашид Қодировнинг ҳибсга олиниши ортидан прокуратура тизимидаги коррупционер амалдорларнинг бирин-кетин ушланиши кузатилди. Жумладан, ...
16 январ 2022
Ўзбекистондаги ҳар бир мулозимнинг ичида битта шоир, ҳар бир шоирнинг ичида битта мулозим яшайди. Бу яхшими ëмонми, билмайман. Шавкат ...
6 июн 2016
Йилдан йилга мамлакатда аҳоли сонининг ошиши, пул топиш қийинлашгани ва ўқиш сифатининг пасайгани боис Олий ўқув юртларига ўқишга кириш ...
6 апрел 2017
Шу йилнинг бошида жаҳон экранларига чиққан «Машхурликка йўл» (Sing) фильми катта ва кичик ёшдаги томошабинларнинг назарига тушди. Фильмда, катта ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...