UzPoster
4 март 2022

Россияни нималар кутяпти?

Таниқли америкалик рус иқтисодчисининг башоратлари.
Тез орада россияликлар кундалик эҳтиёж моллар танқислигига рўбарў бўла бошлашади.
Россия иқтисодиёти жаҳон савдосига қаттиқ мослашган. Санкциялар туфайли товарларнинг келиши ниҳоятда қийинлашади энди.
Улар етиб келган тақдирда ҳам тўловлар рус сўмида бўлмайди.
Доллар билан савдо қилишни эса тақиқлаб қўйишган.
Экспорт даромадлари бир неча баробарга қисқаради.
Чунки, харидорлар Россия товарларини сотиб олмай қўйишади.
Ҳаттоки, санкцияга учрамаган нефть ширкатлари ҳам, харидор топишга қийналиб қолишади.
Россия газининг энг йирик экспотёри Газпром аллақачон санкцияга учраган ва унинг қандай қилиб валюта даромади олиши ҳам аниқ эмас.
Тўғри, Марказий Банкда 650 миллиард доллар захира бор.
Лекин бу маблағларнинг ярмидан кўпига аллақачон арест қўйилган.
Тилла захирасига нима бўлиши ҳам маълум эмас.
Дунёда ҳеч бир банк санкциялар ва катта жарималардан қўрқмай Россия Марказий банкидан тилла сотиб олишга ботинолмайди.
Тўғри охирги 20 йил ичида Россияда кўплаб заводлар қурилди.
Лекин улар ҳам Россияни қутқариб қололмайди.
Чунки бу заводларнинг аксари автомобилсозлик, авиация, маиший техника саноатига таалуқли.
Бу заводларга эҳтиёт ва қўшимча қисмлар четдан келади.
Шундай экан, келгуси ойлар ичида кўплаб заводлар, бутун бошли соҳалар тўхтаб қолади.
Натижада товарлар танқислиги пайдо бўлади, оммавий ишсизлик юзага келади.
Бу эса солиқ йиғишда муаммоларни юзага чиқаради.
Солиқ бўлмагач, бюджет ходимларига ҳам ойликлар вақтида тўланмайдиган бўлади.
Бунинг устига Россия ичкарисида самолётлар парвози тўхтаб қолади.
Чунки барча самолётлар чет элдан лизингга олинган, эҳтиёт қисмлари ҳам хориждан келади.
Шундай экан самолётларнинг бирин кетин яроқсиз ҳолга келишига гувоҳ бўламиз.
Худди Эронда бўлгани сингари.
Интернет ҳам беркилади. Деярли барча мустақил сайтилар ёпилди, яқинда Википедия, Ютуб, Твиттер ва Фейсбуклар ҳам бутунлай беркилса ажабмас.
Россияликларнинг ишонгани Одноклассники бўлиб қолади.
Энди қишлоқ хўжалигига ўтсак, Россияда экиш текинга уруғларнинг 40 фоизи четдан келтирилишини биласизми?
Картошка уруғининг 90 фоизи хориждан олиб келинади.
Демак, тез орада асосий маҳсулотлар танқислиги ва нархларнинг кўтарилиши кутилмоқда.
Бу ҳали ҳаммаси эмас.
Кимнинг имкони бўлса хориж ўлкаларга чиқиб кета бошлаган.
Куни кеча хабар чиқди. Россия элитасининг оилалари Дубай, Туркия ва ҳатто Гуржистонга кетаётган экан.
Кета олмаганларчи?
Уларнинг ҳоли не кечади?
Одамлар чиқиб кетмасин дея чиқиш визалари жорий этилиши мумкин.
Жуда бўлмаса мамлакат бутунлай ёпилади.
Ана унда Совет Иттифоқини соғинганларнинг орзуси ушалади.
Улар Совет Иттифоқининг бара гўзалликларини ўз таналарида синаб кўришади.
Фақат уларни Хрушчев, Брежнев ва Горбачёвга ўхшаганлар эмас, балки ақлдан озган диктатор идора қилади.
@eltuz Мороғ бўсин! Шундай экан қоракўз мигрант биродару сингилларим, самолёт билетига нархлар арзонлигида ватанга қайтинглар. Йўқса, топган пулингиз йўлкирага ҳам етмай қолади.

Eltuz.com

Тағин ўқинг
8 ноябр 2018
Бу йилги пахта мавсумида Фарғона водийсида ЗАГСдан ўтмоқчи бўлган ёш келин-куёвлардан пахта териб бериш талаб қилинмоқда. Данғаралик ёш келин-куёвлардан ...
23 феврал 2019
​​Эврил Туроннинг пойтахтни Жиззахга кўчириш ҳақидаги таклифини кўпчилик кулги остига олди, кимдир пахта қўйиш сифатида баҳолади. Менга эса таклиф ...
2 август 2018
Муҳаммад Бекжоннинг «Алвидо, Жаслиқ!» китобидан навбатдаги қисм 1999 йилги Тошкент портлашларининг асосий гувоҳи Зайниддин Асқаров билан юзлашув ҳақида. 2003 ...
18 сентябр 2017
Хоразм вилоятида оммавий пахта терими 10 сентябрдан бошлаб юборилган. Вилоятдаги “Нажот” Инсон ҳуқуқлари ташкилоти тарқатган хабарга кўра, пахта теримига ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...