Асосий мавзулар
5 декабр 2019

Ҳокимият Олимпи сари йўл Тошкентдан ўтмоқдами?

Тожикистон президентининг ўғли Рустам Имомалининг Душанбе шаҳри ҳокими сифатидаги илк расмий ташрифи Ўзбекистонга тўғри келди.

Бу ташриф президент Имомали Раҳмон яқин йиллар ичида ўз лавозимини ўғлига топширишига яна бир ишорадир.

Бу ҳақда гапирган ўзбекистонлик сиёсий таҳлилчи Ғайрат Ортиқовнинг сўзларига кўра, Тожикистон президенти ҳокимиятни ўғлига қолдиришини аввалдан ҳам яшираётгани йўқ. Аммо унинг ўғлининг расмий ташриф билан Тошкентга келгани бу жараённинг сўнгги босқичига ўтилаётганидан даракдир.

“Унинг Ўзбекистон президенти томонидан юксак эҳтиром билан қабул қилингани Шавкат Мирзиёев уни ўзининг бўлажак ҳамкасби сифатида кўришидан ҳам нишонадир”, деди таҳлилчи “Элтуз” билан суҳбатда.

Унинг таъкидлашича, Рустам Имомалининг дастлабки расмий ташриф сифатида Ўзбекистонни танлаганида ҳам Тожикистоннинг ўз қўшниси билан алоқаларга жиддий эътибор қаратишини англатади. 

– Қолаверса,- таҳлилчи фикрича, – Шавкат Мирзиёевнинг ҳокимият тепасида имкон қадар узоқроқ муддат қолиши тахмин қилинмоқда. Бу эса Рустам Имомалининг қўшни мамлакатдаги ҳукмронлик даври Ўзбекистон президенти билан анча муддат ҳамкорлик қилишига тўғри келишидан далолат беради.

Ғайрат Ортиқовнинг қўшимча қилишича, воқеалар ривожи Имомали Раҳмон ҳокимиятни ҳали тириклигидаёқ ўғлига беришини, ўзи эса Қозоғистоннинг собиқ президенти Нурсултон Назарбоев каби давлатни орқаворотдан туриб бошқариб, фарзандининг етарли даражада қудратга эга бўлишини кутишини тахмин қилишга асос бўла олади.

Имомали Раҳмон мамлакат парламентининг қуйи палатасига сайловни кейинги йил 1 мартда ўтказишга қарор қилди.

Бу парламент ҳам ҳозиргиси каби тўлалигича унинг назоратида бўлишига кўпчилик кузатувчиларда шубҳа йўқ.

Шундай экан, ҳали парламентнинг кейинги чақириғи фаолияти давомидаёқ, яъни 2026 йилгача ҳокимият тепасига амалдаги президентнинг ўғли келиши эҳтимоли юқори.

Eltuz.com

Тағин ўқинг
6 сентябр 2016
Жиззах ва Сирдарё вилоятлари сафарига бағишланган махсус кўрсатувда Ислом Каримов иш топиш учун хорижга чиқиб кетганлардан ижирғанишини билдириб: «Бунақаларни ...
5 феврал 2020
«– Бегжонов, мен сизга айтдим, у қизингиз экстремист! У Американи мақтаб, ўзи туғилиб ўсган юрт устидан кулган! Ўртанча ва ...
24 январ 2018
Фарғона вилояти ҳокими Шуҳрат Ғаниев автобусда тириклайин ёниб кетган фарғоналик 16 йўловчини «ҳароми» деб ҳақоратлади. Ўзбекистондан Россияга кетаётган йўловчилар ...
27 март 2023
Ўзбек музейларига кўмаклушувчи Германиядаги халқаро YUZUK ташкилоти ижрочи директори Дилбар Ғаффорованинг Рауф Парфи ҳайкали очилишда сўзлаган нутқи: Ассалому алайкум, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...