Асосий мавзулар
17 ноябр 2022

ЭП45: Туманларда газ ва чироқ ўчаяпти. Ичимлик суви йўқ

Элтуз порталига келган навбатдаги 5 та шикоятни ўқиб эшиттирамиз. Дастлабки шикоят Қашқадарёдан Косон туманидан.

Одамлар 11 кундан бери сувсиз кун кечирмоқда

«Косон тумани Машъал маҳалласида қурилган кўп квартирали турар жойларда қарийб 11 кундан бери сув йўқ. Сув бўлмаса на идишларни ювиб бўлади, на канализасия ишламайди. 5 қаватда яшайдиган хонадон эгаларининг ҳолатини эътиборга оляптими мутасаддилар?
Тегишли идоралардан кўмак сўраймиз.»


“Чироқ ўчиб қоляпти. Ҳолбуки, ҳали росмона қиш келгани йўқ”

“Андижон вилояти Жалақудуқ туманидан мурожаат қиляпмиз. Чироқ ўчиб қоляпти. Ҳали куз. Ноябр. Ҳаво ҳарорати нари борса, 2 градус совуқ. Ҳозирданоқ бутун водийда энергия (електр ва газ) етказиб беришда жиддий узилишлар юзага келмоқда. Ҳали Аллоҳга аён, қиш келса, қандай ҳолат бўлади. Энергетика вазирлиги ва газ соҳаси мутасаддилари ҳар йили муаммо бўлмайди деб ва’да беради. Аммо ҳар йили шу ҳолат. Балки вазирлик мас’уллари исте’фо бериши вазиятни ўзгартирар?”

“Ҳолбуки, биздан 500 метр наридаги қишлоқда газ ҳам, ток ҳам бор”

“Навоий вилояти Қизилтепа тумани Зармитан қишлоғидан ёзмоқдамиз. Қишлоғимизда газ йўқ, энди чироқ ҳам ўчиб қоляпти. Ҳаво ҳарорати тушган. Электр стансиясига телефон қилсак, Бухородан ўчган дейди. Бухоро билан боғлансак, Навоийдан ўчган дейди. Орада аҳоли, айниқса, ёш болалар, қариялар қийналяпти. Ҳолбуки, биздан 500 метр наридаги қишлоқда газ ҳам, ток ҳам бор. Ёшларимизнинг умри ўтин ёриш билан ўтмасин. Мас’уллардан амалий ҳаракат кутиб қоламиз”.

«Ҳолбуки, Қарздорлик йўқ”

“Жиззах вилояти Зомин тумани Даштобод шаҳридан мурожаат қилмоқдамиз. Яқингача замонавий электрон ҳисоблагичлар йўқ эди. Шу сабаб электр тизимида ўғриликлар кўп эди. Ҳозирда ҳамма хонадонга электрон ҳисоблагич ўрнатилган. Табиийки, қарздорлик ҳам йўқ, чунки янги тизим қарздор хонадонни автоматик равишда тармоқдан ўчиради. Лекин Даштобод шаҳрида 6 соатлаб чироқ ўчмоқда. Эҳтимол, бунга фермерлар ғаллани суғораётганда насослар кучланиши сабаб бўлаётгандир. Нима бўлганда ҳам президентимиз Ш.Мирзиёев электр та’минотини узлуксиз қилиш ҳақида топшириқ берган. Соҳа раҳбарларидан ушбу долзарб масалага э’тибор қаратишларини сўраймиз”.

“Газ йўқ, ҳеч бўлмаса чироқни ўчиришмасин”

“Сурхондарё вилояти Олтинсой тумани Жабу қишлоғидан ёзмоқдаман. Уйимизда газ йўқ, баллонлардан фойдаланамиз. Чироқни 3-4 соатлаб ўчиришади. Бундан биз каби кексалар қийналмоқда. Ўзим тўшакка ётиб қолган пенсионерман. Уйимда ток билан иситадиган печкам бор. Илтимос, чироқни узлуксиз ёқиб беришсин”.

+++

Бу сизга ўқиб эшиттирганимиз бугунги сўнгги мактуб эди. Туркумга кирмаган кўплаб шикоятларни Элтуз Порталининг телеграм саҳифасида ўқишингиз мумкин. Уларга тегишли идоралар эътибор қаратади дея умид қиламиз. Эслатиб ўтамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.

@eltuz

Тағин ўқинг
18 ноябр 2016
Абдулла Ориповнинг вафоти халқимизнинг севимли шоири сўнгги вақтларда норасмий тақиқ остида яшагани, бундан бир қанча вақт илгари «Озодлик» радиоси ...
26 ноябр 2021
Драматург Григорий Горин 1972 йилда ëзган «Номинг ўчсин, Герострат» («Забыть Герострата») асарини 1975 йилда Тошкент театр ва рассомлик институти ...
4 феврал 2019
Тадбиркорликни ҳимоя қилиш шиорини кўтариб олган амалдорлар аслида ишбилармонларнинг саъй-ҳаракатларига энг катта тўсиқ бўлиб қолаётир. Хоразмда ўзи хон, кўланкаси ...
2 июл 2018
Июлдан бошлаб Ўзбекистонда ароқ қимматлади. ЎзА хабарида бунга президент Мирзиёевнинг спортга оид 5 мартда чиқарилган қарори сабаб бўлгани айтилмоқда. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...