Асосий мавзулар
3 апрел 2024

Пули туя қилинган мактаб таъмири, сув босган бозор ва ҳайдалган ишчилар – ЭП135

Элтуз порталига келган навбатдаги 5 та мактубни ўқиб эшиттирамиз, улар Ўзбекистоннинг Тошкент, Андижон, Сурхондарё ва Самарқанд вилоятларидан келган.

Хатлар оқими давом этмоқда, муаммолар ечимини тўлиқ таъминлаш учун Элтуз каналига обуна бўлиш, лайк босиш ва суперраҳмат тугмачасини босиб канални қўллаб қувватлаш тавсия қилинади ва биз хатларни ўқишда давом этамиз.

Дастлабки шикоят Тошкентдан. ЎзЙўлЛойиҳа қидирув институти раҳбари ўзига ёқмаган ишчиларни ишдан бўшатмоқда

«Ассалому алайкум Элтуз!

Мурожаатимизни Тошкент шаҳри Ўзйўллойиҳа қидирув институтидан юбормоқдамиз.

Ишхонамиз 4 ойдан буён ойлик олмаяпти, бу етмаганидек директор Раҳманов Алишер ҳар куни 10 га яқин одамни ишдан бўшатяпти. Сабаби ойлик сўраб бош кўтарганлар экан. Бу юқори турувчи ташкилотимиз Автомобил йўллари қўмитаси ҳам жим қараб турибти, бу одамга чора кўрадиган ҳеч ким йўқ шекилли?

Юқорида қанақадур танишлари борга  ўхшади.» дея ёзмоқда институт ишчилари.

Навбатдаги шикоят метан заправкаларидаги аҳвол юзасидан. Куни кеча Вазирлар Маҳкамасининг қарорига кўра,  метан заправкаларида энг баланд газ нархи 3350 сўм этиб белгилангани хабар қилинганди.

Лекин Андижон вилоятидаги бир қатор заправкалар 3800 сўмдан газ қуяётгани бўйича ЭЛТУЗга мурожаат келди.

Шикоят эгалари, Андижон шаҳридаги “ВИТА ЭКСПЕРТ ГАЗ“ МЧЖ ва Асака туманидаги “ҚЎРҒОНТЕПА ГАЗ ЛЮКС“ МЧЖ Жалақудуқ туманидаги “Шаффоф“ газ қуйиш шаҳобчалари нархларни мана шундай белгилаб олишган.

ЭЛТУЗга мурожаат қилганларнинг сўзларига кўра, Вазирлик тақдим этган рақамларга қўнғироқ қилиб боғланишнинг иложи бўлмаган.

Кейинги шикоят Сурхондарёдан. У ерда бозорни сув босиб, тадбиркорлар азият чеккан.

“Сурхондарё вилояти Сариосиё туманидаги деҳқон озиқ-овқат бозорини 21 мартда 15 дақиқалик ёмғирда сув босиб, тадбиркорлар азият чекди. Бир муддат аввал вилоят ҳокими бозорга ташриф буюриб, тадбиркорлар ҳамда харидорларга қулай шароит яратмагани, савдо расталарини тартибга солмагани, сотув мажмуаси автомобил йўлигача чиқиб кетгани учун бозор раҳбарини ишдан олишга кўрсатма берган эди. Қарангки, бозор раҳбарининг Тошкентда қайси бир идорада ишлайдиган укаси уни дарҳол ишга қайтарди. Бозор раҳбари шарт-шароитни яхшилаш учун энди чора кўрармикан?” дея шикоят қилади сурхондарёлик тужжор.

Кейинги мактуб Самарқанднинг Нуробод туманидан. Фуқаролар мактаб таъмири сифатсиз эканидан шикоят қилишмоқда

«Самарқанд вилояти Нуробод тумани 2-мактабда бир неча йиллардан бери ноҳақликлар давом этмоқда.

Бир неча миллиард сўм ҳаражат қилинган мактабнинг аҳволи жуда ачинарли. Таълим вазирлиги бу воқеаларга  нима деркан? Мактаб директори Х. Ирисовнинг қорни қачон тўяди?» Мурожаат эгаси мактабдаги ачинарли холат акс этган видеони ҳам илова қилган.

видео

Сўнгги мактуб ҳам Самарқанддан. Хўжасоат маҳалласи турғуни гаровга қўйилган мулки, пасайтирилган нархда аукционга чиқарилганидан ташвишланмоқда.

“Мен – Аваз Абдуллаев, Самарқанд шаҳри Хўжасоат МФЙдан мурожаат қиляпман.  Самарқанд шаҳри Зиёкор кўчасида жойлашган мулким “Агробанк” томонидан 885 миллион 900 минг сўмга баҳоланган эди. Аммо гаровга қўйилган ушбу мулким банк томонидан 562 миллион 500 минг сўмга аукционга чиқарилмоқда. Банкнинг маҳаллий масъуллари аниқ ва тайинли жавоб бермаяпти.  Бунинг устига, ноқонуний ҳаракатларини тан олмай, менга руҳий ва молиявий босим ўтказмоқда. Қонуний ҳуқуқларим ҳимоя қилинишини сўрайман” дея ёзади Хўжасоат маҳалласи турғуни.

Ва бу ҳозиргача эълон қилганимиз сўнгги мактуб эди. Яна бир бор эслатамиз, элтуз портали телеграмдаги алоҳида саҳифадир. У ерга хатлар учун махсус бот ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам чоп қилишга интилади. Каналимизга обуна бўлинг. Агар кўрсатувимизни қўллаб қувватламоқчи бўлсангиз супер рахмат тугмачасини босинг. Соғ бўлинг.

Тағин ўқинг
26 март 2023
Тошкентда Рауф Парфининг илк ҳайкали очилади. 27 март соат 11 да Тадбир Амир Темур проспектидаги давлат санъат музейида бўлади. ...
16 апрел 2021
Мўрисидан тутун чиқар,  Қатламаси бутун чиқар. Етти келин югуриб чиқар, Рамазон, омин! Мана, азизлар, ўлмаган қул, яна ойлар султони ...
3 декабр 2018
Ўзбекистонда интернет тезлиги 1 декабрдан бошлаб ўн баробар ошилиши ҳақида ваъда берилган эди. 30 ноябрь куни «Ўзбектелеком» АК халқаро ...
17 апрел 2019
Рассом Кирпи Eltuz.com
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...