Асосий мавзулар
4 июн 2024

Чегарадаги тирбандлик, дўкондаги фирибгар ва сифатсиз сув иншооти

Элтуз порталига келган мурожаатларни очиқлашда давом этамиз. Улар Ўзбекистоннинг Тошкент, Наманган, Фарғона ва Хоразм вилоятларидан келган.

Дастлабки видеомурожаатни Ғишткўприк чегара пости орқали Қозоғистондан Ўзбекистонга ўтишда доимий тирбандликка дуч келаётган ҳайдовчи йўллаган. Унинг сўзларига турнақатор автомобиллар 12-20 соатгача қолиб кетмоқда.  

Кейинги видеошикоят Наманган вилоятининг Поп туманидан. Чиқинди полигонидан тарқалаётган заҳарли тутун аҳоли саломатлигига хавф солмоқда.

“Наманган вилояти Поп туманидан мурожаат йўллаяпмиз. “Тоза ҳудуд” корхонаси аҳолидан олинган маиший чиқиндини ташлайдиган ҳудуд бор. Бу ерда чиқинди ёндирилиб, йўқ  қилинади. Ёқиш жараёнида заҳарли ҳид ва тутун шамол орқали тарқалиб, яқин атрофдаги аҳоли саломатлигига катта хавф солмоқда. Лекин бу борада керакли чора кўрилгани йўқ. Аҳоли саломатлигини кўзлаб, чиқиндилардан иккиламчи маҳсулотлар ишлаб чиқариш ишларини оқилона йўлга қўйиш мумкин-ку! Ҳолатга масъуллар эътибор қаратади деган умиддамиз” дея ёзади поплик Элтуз обуначиси.

Кейинги шикоят Фарғонадан. Дўконида фирибгарлик холати рўй берган тужжор шикоят йўлламоқда…”

“Жорий йил 27 март куни эрталаб дўконимда фирибгарлик рўй берди. Номаълум эркак киши, 124 минг сўмлик маҳсулот олган ва таниши орқали “Слиcк” дастуридан пул ўтказаман деб алдаган. У ёлғон гапиргани кейин маълум бўлди. ИИБга қўнғироқ қилдим.  Кечга яқин ходим келиб, топамиз деб кетди. Эртаси куни Фарғона ИИБга чақиришди, тилхат, ариза олишди. Ижтимоий тармоққа видеони чиқараман, деганимда биздан ариза олган ходим пўписа қилиб, сизни жиноий жавобгарликка тортишимиз мумкин, бегона одам тасвирини унинг розилигисиз ижтимоий тармоқда тарқатмаслик керак, деди. Бу менга гўё фирибгарнинг манфаатини ҳимоя қилиш бўлиб туюлди. Орадан вақт ўтди. Яна икки марта 102 га қўнғироқ қилдим. Ҳозир қиламиз дейишди, лекин шу билан жим-житлик. Ваколатли идоралар амалий ёрдам берса миннатдор бўлардик” дея ёзади фарғоналик дўкондор.

Кейинги шикоят Тошкент вилоятидан. Олмалиқда павлониялар кесиб ташланди.

«Ислом Каримов номидаги техника университети олдида 3-4 йиллик энди барги юлинган павлония дарахтларини таги билан кесишибди, соғлом, яшнаб турган эди, афсус» дея билдиради видео йўллаган Элтуз обуначиси.

Ва ниҳоят сўннги шикоят Хоразм вилоятининг Урганч шаҳридан. Сув иншооти қурилишига сифатсиз қурилиш материаллари ишлатилмоқда.

“Хоразм  вилояти Урганч шаҳридан мурожаат қиляпмиз. “Сув таъминоти”нинг сув тақсимлаш тармоғи ва туманларга сув етказиб берадиган омборлари қурилишига давлат томонидан катта пул ажратилди. Лекин омборлар аллақачон бузилиш ҳолатига келди. Чунки қурилишда сифатсиз плиталар ишлатилди. Сув таъминотида хлорли сув қўлланилади, шунинг учун плита сифатли ва бақувват бўлиши керак. Аммо плиталар ҳозирдан ўпириляпти. Иншоот ичидаги таянч устунлар ҳам сифатли қилинмаган. Бу қурилиш стандартларига тўғри келадими? Мутасаддилар ҳолатни назоратга олишини сўраймиз” дея ёзади Хоразмлик ватандош.

Сардоба сув омбори ҳалокати ҳам айнан сифатсиз қурилиш материаллари касофати билан юзага келган эди. Сифатли материаллар ва қурилиш маблағларини ўмарганлар эса хамон жазолангани йўқ.

Ва бу сизга етказганимиз бугунги сўнгги мактуб эди. Эслатамиз, элтуз портали телеграмдаги алоҳида саҳифадир. У ерга хатлар учун махсус бот ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам чоп қилишга интилади. Каналимизга обуна бўлинг. Агар кўрсатувимизни қўллаб қувватламоқчи, ёки айрим ёпиқ видеоларни кўрмоқчи бўлсангиз супер рахмат тугмачасини босинг.  Соғ бўлинг.

Тағин ўқинг
25 сентябр 2018
Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги қарори ижросини таъминлаш асос қилиб кўрсатилди. ...
21 март 2018
«Элтуз» нашри қамоқдан чиқиши кутилаётган, 100 миллион долларни ўзлаштиришда айбланиб қамалган амалдор Журъат Мелиқулов фаолиятига оид фильмни тақдим этади. ...
15 июл 2017
Лондонда яшовчи ўзбек актери, 42 ёш Рашид Шадат (Абдурашид Шодиев) Ўзбекистонда тақиққа учраган филмлар юзасидан Элтуз мухбирига интервью берди. ...
30 декабр 2019
Россия ташқи ишлар вазири Сергей Лавров 2020 йилнинг 12-13 январ кунлари Ўзбекистонга расмий ташриф буюради. Уни Президент Шавкат Мирзиёев ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...