Бугун Мирзиëев Жиззахга келди

Бугун Жиззахга Мирзиёев келиши муносабати билан қўй сўйилади. Бу вилоятда у ҳокимлиги даврида нималар қилмади, айниқса Каримовнинг кўнглини олиш учун. Энди унинг ўзи мамлакат ҳукмдори сифатида боради у ерга… Қўй нима деган гап?

“Бу қўйнинг нархи фантастик даражада қиммат бўлиши мумкин”, дейди рассом Адолат, eltuz.com нашрига жўнатган янгги сувратига изоҳ бераркан.

Нега шундай бўлмасин, ахир илгари Шавкат Мирзиёев томонидан Каримов учун безатиладиган “потёмкин қишлоқлари”, қилинадиган дабдабаю-асъасалар энди унинг учун қилинадику.

Ҳатто ўзига энг яқин бўлган марҳум Каримовнинг худойисига ошни ўзгалар чўнтагидан қилдиришни афзал кўрган Мирзиёев учун, бу ишлар нафақат эски анъана, балки йигирма етти йил сўнггида ушалган армондир.

Дарвоқе, унинг оёғи остига сўйиладиган қўйнинг нархи, бош вазир (янги юртбоши) иштахаси каби муттасил ошишда давом этади.

“Мирзиёев келаяпти, оёғи остига сўйиш учун қўй келтиринг!”

Рассом Адолат
Eltuz.com