Cатира
27 сентябр 2016

Урилганлар саҳнага қайтишмоқдами?

«Санъатимиз қироли Шерали Жўраев, Ўзбекистон Халқ артисти Юлдузхоним Усмонова, Ўзбекистонда хизмат кўрсатган артист, дўстимиз Обиджон Асомовлар яна катта саҳналаримизга қайтишаётган эканлар» дея изоҳлайди, кейинги пайтларда Шавкат Мирзиёевни мадҳ қилишга бел боғлаган шоир Муҳаммад Исмойил.

Бироқ, бу «қирол ва қироличалар» катта саҳнага қаердан қайтишаётгани, шу пайтгача қаерда бўлишгани, нима учун катта саҳнадан четлаштирилганига шоир изоҳ бермайди.

Ундан илгари Юлдуз Усмонова катта саҳнага чиқишдан умидворлигини айтиб, Каримовнинг шогирдлари бўлган, ҳокимият тепасига келаётган амалдорлар тарафида бўлишини билдирган эди.

Қизиқчи Обид Асомов эса ҳатто фильмлардаги титрлар ва у акс этган тасвирларнинг олиб ташланганини айтиб, «Ўзим борман, башарам эса йўқ!» дея нолинган эди.

Айни Каримов даврида бир қанча артистларнинг лицензиядан маҳрум қилингани, айрим санъаткорларнинг ҳатто мамлакатни тарк этишга мажбур бўлгани ҳақида хабарлар пайдо бўлган эди. Саҳнага қайтиш муждасини олганлар қаторида илгари норасмий тақиқда бўлган таниқли артистлар Ортиқ Отажонов ва Бобомурод Ҳамдамовлар ҳам борлиги иддао қилинмоқда.

Фаррух Зокиров, Севара Назархон, Шаҳзода Матчонова, Шоҳруҳ рэп, Феруза Жуманиёзова, Отабек Мадраҳимов, Озода Нурсаидова,Фаррух Соипов каби санъаткорларга қўйилган тақиқ сабаблари ҳам у ëки бу давлат мулозимларига бориб тақалaди.

Ўтган йили машҳур ўзбек хонандаси Абдулазиз Карим мамлакатни тарк этиб Туркия ватандошлигини олган эди.

Бошқа томондан, 23 cентябр куни моливий пирамида яратганларга қарши қонунни имзолаган Шавкат Мирзиёевнинг нима сабабдан айни пирамидага пул тиккани шов-шув бўлган Обид Асомов ёки Шерали Жўраевга яшил чироқ кўрсатиши кераклиги ҳам бизга қоронғу.

Шунингдек, Шавкат Мирзиёевнинг ўзбек санъаткорларга айниқса қизиқчиларга тоқати йўқлигини айтишади, агар «Болалар»ни ҳисобга олмаса, у Россиянинг «Ласковый май» ва Беларусдаги «Песняры» гуруҳининг «Вологда» қўшиқларини кўпроқ севаркан.

Рассом Адолат
Eltuz.com

Тағин ўқинг
28 июн 2019
Баъзан хорижда, Ғарб давлатларида яшаётган ватандошларимизга ҳайрон қоламан. Америка, Канада ва Европада ким билан гаплашманг, кўпчилик шу давлатларнинг либерал, ...
4 август 2022
Қўлимизга тушган бир даста ҳужжатлар Ўзбекистонда қишлоқ хўжалиги кимларнинг қўлида қолгани-ю, нималар бўлаётганини рўй-рост кўрсатиб қўйди. Агар Гиннеснинг фирибгарлик, ...
19 июн 2023
Элтуз порталига келган навбатдаги мактубларни ўқиймиз. Бу сафар уларни ўқишда ва танлашда сунъий интеллект мансублари бўлган Уйғун Эгамберди ва ...
2 июн 2016
«Аввал бизга уч нафар номзод кўрсатилади, дейишганди», – дейди Фарғона вилоятининг Учкўприк туманидаги сайловда иштирок этган маҳаллаларда яшовчи мўйсафид. ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...