Асосий мавзулар
24 июн 2019

Ҳокимдан норози навоийлик фаол очлик эълон қилди

Навоий вилоятининг Кармана туманида яшовчи фаол, 2-гуруҳ ногирони, 43 яшар Дилдора Боймуродова норозилик намойишига чиқиш ҳақидаги билдиргисига вилоят ҳокимлигидан жавоб йўқлиги ортидан 20 июндан очлик эълон қилганини айтмоқда.

«Бугун акциямнинг 4-куни. Шу пайтгача туз татиганим йўқ. Лекин расмийлардан ҳеч ким бунга муносабат билдирмади», деди Боймуродова 24 июнь куни «Элтуз» мухбирига берган интервьюсида.

Дилдора Боймуродова 10 июнь куни президентга ёзган 16 банддан иборат мурожаатида, жумладан, вилоят ҳокими, унинг ўринбосарлари, вилоят прокуратураси, ИИБ ва суд идоралари ҳаракатидан норозилигини айтиб, якка ҳолда пикетга чиқишини билдирган эди.

«Элтуз» мухбирининг якка пикет учун расмий рухсат олиш шарт эмас-ку, деган саволига Боймуродова: «Ўзбекистонда бундай ҳаракат учун ҳар нарса қилишлари мумкин», дея жавоб берди.

Дилдора Боймуродова, шунингдек, унга қарши очилган маъмурий ишнинг ёпиқ қолаётган баённомасини беришни, ҳокимлик тайинлаган айрим мансабдорларнинг ишдан олинишини ва олдинги раҳҳбарият томонидан таланган нашриётни моддий таъминлашни талаб қилмоқда.

Унинг айтишича, беш нафар аёл 2018 йилнинг баҳорида «Катта мачит» маҳалла раисининг ароқхўрлиги, котибасининг таъмагирлиги устидан шикоят қилишгач, раисни ишдан ҳайдашган, бироқ шикоят қилган беш аёлга маъмурий иш очиб, жарима солишган.

«Вилоят ҳокими Қобилжон Турсунов илгари жинояти учун ишдан ҳайдалган Икром Жўраевни қайтариб, вилоят ветеринария бошқармаси бошлиғи этиб тайинлади! Кейин маҳалла низомига зид равишда таъмагир котибани ишга олди», дейди Боймуродова.

Боймуродова 24 июнь соат 16.00 дан бошлаб сув ича бошлагани, бунга қаттиқ тоби қочиб, ётиб қолгани сабаб бўлганини билдирди. Айни пайтда у очлик акциясини жорий йилнинг 10 июлига қадар давом эттиришни режалаганини айтди.

Eltuz,com

Тағин ўқинг
6 апрел 2018
Facebook нинг 87 миллионтагача фойдаланувчиси ҳақидаги маълумотлар Cambridge Analytica компанияси томонидан сиёсий консалтинг мақсадларида йиғиб борилгани ҳақидаги хабарлар ортидан ...
26 март 2016
Ўзбекистон баҳсли бўлиб турган Чаласарт ҳудудига ҳарбий техника ва аскар киритгани муносабати билан Қирғизистоннинг Тошкентдаги элчиси маслаҳатлашувлар учун Бишкекка ...
4 январ 2020
Денгизда шамол кўтариларкан, бу шамол кимнингдир елканини шишириб манзилига элтади. Кимнингдир кемаси эса шамолга чидай олмай ғарқ бўлади.  Кейинги бир ой ичида 68 ...
21 сентябр 2016
Ўзбекистон Ички ишлар органлари ҳақида қонун қабул қилиниши ортидан, Ички ишлар вазирлиги тизимида кадрлар алманиши кузатилмоқда. Бироқ, экспертлар фикрича ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...