Мирзиёев тинчимизни бузмоқда!

Давлат рахбари иқтисодий муаммолар ҳақида бот-бот гапирмоқда.

Ҳукуматдаги вазирларни, катта амалдорларни халқ дардини эшитмасликда айблаб сўкмоқда.

Мамлакатга чет-эл сармояси киритилмаётгани, ишлаб чиқариш ўсишлари ниҳоятда паст даражада экани, солиқчиларнинг тадбиркорларга йўл бермаётгани, врачларнинг мамлакатни тарк этаётгани ҳақида гапирмоқда. Ичимлик суви, уй-жой, дори-дармон танқислиги ва бошқа иқтисодий муаммоларни санамоқда.

Холбуки, 25 йил давомида бизга эришган буюк ютуқларимиз, ялпи даромаднинг ўсаётгани, ўз корхоналарини очаётган ҳорижий ширкатлар ҳақида муттасил айтиб келишганди.

Гарчи бу маърузалар одамлар турмушини яхшиламаган бўлсада, халқ қувонган, бунга шак келтирганларни сўкиб келаётган эди.

Дарвоқе, президент сўнгги 13 йил мобайнида ўзи ҳозир танқид қилаётган ижтимоий-иқтисодий соҳага масъул эди.

Эндичи? Шавкат Мирзиёев ўз-ўзига мухолифат бўлдими?

Рассом Туз
Eltuz.com