Cатира
1 март 2017

Занжирбанд Акбар – Тошкентдан қўрқар

Ўтган ҳафта Киев суди Ислом Каримовнинг беваси Татъяна Каримованинг жияни Акбарали Абдуллаевни Ўзбекистон Бош прокуратурасининг экстрадиция талаби билан бир йилгача қамоқда сақлаш ҳақида қарор чиқарди.

33 яшар Акбарали Абдуллаев Ўзбекистонда жами 400 миллион долларга яқин маблағни ноқонуний ўзлаштиришда айбланмоқда.

Акбарали Абдуллаевнинг ўзи, айни айбловлар билан Ўзбекистонда аллақачон жазоланиб, икки ярим йил қамоқда ўтириб чиққанини айтди.

У Ўзбекистонга экстрадиция қилсалар, хавфсизлик кучлари уни қийноққа солиб, ўлдиришлари муқаррарлигини айтди.

Акбарали Абдуллаев, 2014 йил қамоққа олингунга қадар, Ўзбекистонда кўплаб йирик ширкатларга эгалик қиларди.

2014 йили у юзлаб миллион доллар пулни ўзлаштиришда айбланиб, 15 йилга қамалган эди.

Орадан икки йил ўтар-ўтмас уч марта амнистияга тушган Абдуллаев озодликка чиқарилди.

Бироқ, 2 сентябрда, Ислом Каримов вафот этишидан кўп ўтмай, Ўзбекистонни тарк этди.

15 ноябрда Ўзбекистон Бош прокуратураси айни айбловлар билан Акбар Абдуллаевга қарши янги жиноий иш очди ва Интерпол орқали қидирувга берди.

14 январда Киев аэропортига хусусий самолётда қўнган Абдуллаев ҳисбга олинди.

Рассом Туз
Eltuz.com

Тағин ўқинг
9 август 2018
Айни пайтда Тошкент архитектура-қурилиш институти олдидаги чинорларнинг бир нечаси ҳам туман ободонлаштириш идораси томонидан кесиб ташланган. Рассом Туз 2015 ...
6 октябр 2016
6 октябр куни эрталаб милиция ходимлари томонидан ушланган фотограф Темур Карпов билан бирга Тошкент вилоятининг Бўка тумани пахта даласида, ...
6 март 2018
Устидан Жиноят кодексининг 165, 205, 210-моддалари бўйича жиноят иши қўзғатилиб, 22 февралдан бери ҳибсда қолаëтган собиқ Бош прокурор Рашиджон ...
22 май 2016
Энди оғайнилар чинликни сўзласак бизнинг юртда қачон жанжал чиқса сув талашиб ëки ер талашиб бўлади. Қозоқ бийлиги (ҳукумати) суғориладиган ...
Блоглар
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...
20 ноябр 2020
Бугун кечқурун газим ёнмади, ўзи шундоқ ҳам паст ёнарди. Ўтин-кўмир ғамламагандим. Кичкина электрпеч ўзини ўзи ...
18 ноябр 2020
Эрталаб мош сотдим. Кўп эмас, беш юз кило. Мошимни сотиб олган тадбиркор йигит: “Мошнинг пулини ...