Товуққа тўйган шоқоллар қўйларга ҳужум қилмоқда

Фарғона вилоятида шоқоллар тўдаси уч кун ичида 22 та қўйни бўғизлагани ортидан маҳаллий ҳукумат 20 мартдан бошлаб уларни йўқ қилишга киришди.

Ўтган ҳафта, бундай воқеа биринчи марта содир бўлаётганини ёзган Озодлик радиоси, илгари шоқоллар фақат товуқ ва жўжаларни олиб кетганини билдиради.

Айни мавзуга ижодий ёндошаркан, рассом Элсевар бу ҳодисани Мирзиёевнинг товуқ боқиш ҳақидаги машҳур қарорига боғлайди.

Шу йилнинг бошида Мирзиёев Республикада ҳаммага юзтадан товуқ боқишни буюрган. Бунинг назоратини, Бош вазир ўринбосари Рустам Азимовга топширган эди.

«Балки, шоқолларнинг меъдасига ургандир товуқхўрлик», дейди бу ҳақдаги манзарани масал тарзида акс эттирган рассом Элсевар.

Рассом Элсевар
Eltuz.com