Cатира
14 ноябр 2017

Тошкентлик ҳисобчи Соипов қандай қилиб америкалик террорчига айланди?

2017 йилда Ғарб давлатларида ўзбекистонликлар томонидан содир этилган туркум терактлар ўзбекларнинг радикаллашуви муаммосига эътибор қаратди.

«31 октябрда Нью-Йоркда пиёдаларни машинада бостирган 29 ёшли Сайфулло Соипов АҚШга келгунига қадар ҳеч қачон жиноий жавобгарликка тортилмаган, у радикал гуруҳлар таъсирига АҚШга келганидан кейин тушган», дея билдирди терактдан сўнг ҳукуматнинг «Жаҳон» ахборот агентлиги.

Соипов 2010 йили грин-кард лотереясида ютиб АҚШга келди. Келгунига қадар Тошкентда мутлақо омадли ҳаёт кечирди, нуфузли Молия институтини тамомлади ва унинг қайсидир экстремистик оқимларга мойиллиги ҳеч қачон сезилмади.

Айрим таҳлилчилар радикаллашув сабабини террорчи гуруҳларнинг интернетда кучайган ташвиқотига йўйишади. Афтидан, Ўрта Осиё диаспоралари, кўпчилиги бўлмаса ҳам, ИД (Исломий давлат) ташвиқотига айниқса таъсирчандир, дея вашингтонлик таҳлилчи Холид Мажидёрдан иқтибос келтиради «Америка овози».

Агар бу иддаога ишонсак, у ҳолда айрим ўзбеклар цензура бўлмаган, террорчиларнинг ташвиқот роликларини интернетдан бемалол кўчириб олиш мумкин бўлган мамлакатларда яшашга тайёр эмас, деган ҳулоса келиб чиқади. Ахир Ўзбекистонда диний-экстремистик дунёқарашга эга бўлган одамларда буни тарқатиш имкони йўқ, бундайлар билан шу заҳоти маҳалла қўмиталари ва махсус хизматлар шуғуллана бошлайди.

Бироқ хорижга чиққан ўзбекларнинг тезгина террор ташкилотларига қўшилиб кетиши цензура ва таъқиблар экстремизмга қарши иммунитет ҳосил қилмаслигини кўрсатмоқда.

Eltuz.com

Тағин ўқинг
1 июл 2022
Қуллик зеҳнияти нима дегани, биласизми? Биргина қорни учун ажнабийга тобе бўлган халқда қуллик зеҳнияти бор. Мисол учун, «Мустақиллик бизга ...
30 декабр 2016
Айни кунларда «мустақил газета» деган баландпарвоз мақом билан чоп этиладиган «Ҳуррият» нашрининг илк сони чиққанига 20 йил тўлаётир. Шу ...
2 феврал 2017
Шу кунларда Андижон шаҳрида турли мактаб ўқитувчилари ободонлаштириш ишларига жалб этилган. Йўл ёқаларида оҳак тўла челак, супурги кўтариб кўча ...
24 ноябр 2017
Истанбул шаҳрида яшаëтган Ўзбекистон ватандоши 27 ёшли Маъбуд Носиров хотини 25 ёшли Зарифа Шокировани пичоқлаб ўлдирди. Фото: hurriyet.com ўнгдан ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...