Асосий мавзулар
11 декабр 2017

Газсиз қолган ошхоналар

9 декабрдан Тошкент шаҳридаги умумий овқатланиш шохобчаларини табиий газ тармоғидан бутунлай узиш бошланди.

Газ идораси назоратчилари кафема-кафе юриб, уларнинг эгаларига мавжуд вазиятни тушунтирмоқда ва дарҳол газдан узиб кетмоқда.

Мазкур тадбирдан мақсад пойтахт аҳолисининг табиий газга бўлган эҳтиёжини қондириш, маҳаллаларда газ босими пасайиши олдини олишдир.

Бу ҳақда маълум қилган «Трансгаз» масъулининг билдиришича, умумий овқатланиш шохобчаларини табиий газдан узиш тўғрисидаги қарор тегишли идоралар, жумладан, Тошкент шаҳри ҳокимлиги ва «Трансгаз» акциядорлик компанияси томонидан қабул қилинган.

«Кунлар совияпти. Тошкентнинг баъзи маҳаллаларида газ пасайиб кетди. Бу эса аҳоли норозилигини келтириб чиқаряпти. Шунинг учун тегишли идоралар шундай қарорга келишга мажбур бўлди», деди «Трансгаз» вакили.

Сир эмас, Тошкентда умумий овқатланиш шохобчаларининг оддийларидан ташқари нуфузли шахсларга тегишлилари ҳам жуда кўп.

Ҳатто шундай ресторан ва кафеларни ҳам газдан узиш бошланган.

«Эгалари дарров «криша»ларига телефон қиляпти. Лекин «криша»ларнинг кучи ҳам етмай қолаётган пайтлар бўляпти. Чунки биттаси ишласа, ёнидагиси газдан узиб қўйилса, дарров ёзиб юборади. Назоратчилар шундай қўрқиб, иложи борича қаттиқ турибди. «Криша»лар ҳам ҳушёр тортиб қолган», дейди «Элтуз» манбаси.

Умумий овқатланиш шохобчалари газ ўрнида ўтин ишлатишни бошласа, бу нарх-наво кескин кўтарилишига олиб келади. Чунки ўтин фалон пул туради.

Мавжуд овқат тайёрлаш ускуналарини электр жиҳозларга алмаштириш ҳам катта харажатларга сабаб бўлади.

Шунинг учун умумовқатланиш соҳасида фаолият кўрсатаётган тадбиркорларнинг норозилиги кучли.

«Бундай вазият узоқ давом этиши мумкин эмас. Чунки ҳозирданоқ газ идоралари ходимларига тазйиқ кучайган. Тадбиркорлар норози. Шу сабабли бу қарорнинг умри узоққа бормаса керак», деди «Трансгаз» масъули.

Элтуз

Тағин ўқинг
3 март 2022
Россияни Украинага бостириб кришини оқлаятганлар миясини Россия ТВсини бир ёқлама пропагандаси ювган эканлигини кўришимиз мумкин. Айнан шундайлар Путинни босқинчилик ...
24 октябр 2019
Буюк Британияда ҳуқуқ ҳимоячилари-ҳуқуқшунослар жамоаси ўзбек пахтасига имтиёзли тарифлар қўлланишини қайта кўриб чиқиш талаби билан судга мурожаат этди.  Уларнинг ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини эълон қилди. Унга ишонадиган ...
11 сентябр 2015
Агарда, мухокама қилган бўлса, нима учун бу ҳақида оммавий ахборот агнтларида бирор марта ҳамхабар қилинмаган? Бугунги кунда, юртимизда СССР ...
Блоглар
23 май 2022
(Таниқли шоир ва сиёсатчи Муҳаммад Солиҳнинг “Императив” китобидан 50-қисм. Аудиокитоб матнини муаллифнинг ўзи ўқиган) «Соф ...
17 май 2022
(Таниқли шоир ва сиёсатчи Муҳаммад Солиҳнинг “Императив” китобидан 49-қисм. Аудиокитоб матнини муаллифнинг ўзи ўқиган. Давоми ...
11 май 2022
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...