Ўзбек-тожик чегарасининг очилиши Ҳожибойнинг орзуси эди

Президент Шавкат Мирзиёевнинг Тожикистонга ташрифи ортидан икки давлат ўртасидаги ёпиқ чегаралар очилди ва икки мамлакат ватандошлари учун 30 кунлик визасиз кириш-чиқиш тартибини жорий этиш ҳақидаги битимга эришилди.

Расмий хабарларга кўра, шунингдек, икки ҳукумат ўртасида 2019 йил охиригача чегараларни миналардан тозалашга келишилган.

Ўтган асрнинг 90-йиллари охиридан буён ўзбек ҳукумати Тожикистондаги ватандошлар уруши баҳона мамлакатлар ўртасидаги чегараларни миналаштириб келади.

Тожикистон матбуотига кўра, 1999 йилдан буён миналардан 76 нафар одам ҳалок бўлган. Миналардан Ўзбекистон ватандошлари ҳам ҳалок бўлгани айтилади, бироқ бу ҳақда расмий статистика ҳозиргача очиқланмаган.

Икки қўшни мамлакат ўртасидаги чегараларнинг очилишини рассом Кирпи машҳур ўзбек қизиқчиси, Тожикистоннинг Ленинобод вилоятида туғилган марҳум Ҳожибой Тожибоев орзуси тарзида акс эттиради.

Рассом Кирпи
Eltuz.com