Халқаро теннис федерацияси Рустам Иноятовни мукофотлади
Осиё теннис федерациясининг 1 декабрь куни Филиппин пойтахти Манилада ўтган йиллик конгрессида Ўзбекистон махсус хизматининг собиқ раиси Рустам Иноятов теннис ривожига қўшган «бебаҳо ҳиссаси» ва «теннисга бўлган садоқати» учун мукофотланди.
Собиқ КГБ ва МХХ генерали Рустам Иноятовга мукофотни Халқаро теннис федерацияси президенти, конгресснинг фахрий меҳмони Дэвид Хаггерти топширди.
Шу йилнинг бошида МХХ идорасининг номи ДХХга ўзгартирилиши ортидан президент Мирзиёев Рустам Иноятовни лавозимидан бўшатган, бироқ уни ўзига маслаҳатчи этиб тайинлаган эди.
1976-81 йилларда КГБнинг Афғонистондаги дипломатик агенти бўлган Рустам Иноятов 1995 йилнинг 27 июнидан Ўзбекистон МХХ раиси этиб тайинланади.
1996 йили унга генерал-лейтенант, 1999 йилдан генерал-полковник унвони берилади. Ўша йили Ислом Каримовнинг теннис ракеткасини ҳадя қилиши ортидан у Ўзбекистон теннис федерацияси раиси этиб тайинланади.
Рассом Туз
Eltuz.com