Cатира
9 апрел 2019

Тошкент ҳокимининг рус миллатчилари тадбирига изн бергани тармоқ танқидига учради

Тошкент ҳокими Жаҳонгир Ортиқхўжаев пойтахт бўйлаб 9 май куни Россиянинг “Ўлмас полки” юриши ўтказилишига 4 апрелда расман рухсат берди.

Рус армиясига ошиқ ўзбек пойтахти ҳокими тошкентликларга урушда ўлган аскарлар расмини кўтариб, “Мангу олов” ёнигача юриб боришни таклиф қилди.

Ўзбекистонда 9 майни рус армияси анъаналарига хос нишонлашга ҳар йилгидан ошиқча ғайрат кўрсатилмоқда. Шаҳар ҳокимининг баёнотига кўра, бу йил 9 майга атаб совет давридаги “Биродарлик қабристони” ёдгорлик мажмуаси ҳам қайта таъмирланади.

Айни тадбир ижтимоий тармоқда “Бу биздан эмас” флешмоби фаоллари томонидан қораланмоқда.

“Агар “Ғалаба куни” Россиянинг расмий куни бўлса, бу санани истаганлар бориб Россия элчихонасида ёки “Россотрудичество” офисида нишонлашсин”, дея таклиф қилди тарихчи Анвар Назир. 

Ўзбекистонда бу тадбир президент Мирзиёев иқтидорга келганидан кейин, 2017 йилдан буён, ижтимоий тармоқдаги миллий мустақиллик тарафдорлари қаршиликларига қарамай, ўтказиб келинмоқда.

2018 йили Россиянинг 2-жаҳон урушига бағишланган «Ўлмас полк» тадбири ижтимоий тармоқдаги фаоллар қаршилигига дуч келган ва улар «Бу биздан эмас!» флешмобини бошлашган эди.

Шундан сўнг Тошкент шаҳри ҳокимлиги «Ўлмас полк» юриши ўтказилмайди, деган хабар тарқатган, лекин бу Ўзбекистонда рус милитаристлари шиорларининг кўтарилишига асло монелик қилгани йўқ.

Рассом Кирпи
Eltuz.com

Тағин ўқинг
18 сентябр 2019
“Биздан жиз-з!”нинг бугунги сонида Швецияда яшовчи ўзбек фаоли Дўстназар Худойназаров “Элтуз” мухлислари учун бутун қўй гўшти болдиридан димлама қандай ...
17 сентябр 2018
Икки жанжал ортидан ижтимоий тармоқ қаҳрамонига айланган Шерзод Қудратхўжаев 17 сентябрь куни танқидларга жавоб берди. У рус аёлига: “Уят! ...
9 октябр 2018
Франция пойтахти Парижда 9 октябрда президент Мирзиёевнинг расмий ташрифига бағишланган норозилик акцияси иштирокчилари турли шиорлар билан бирга МХХ собиқ ...
3 ноябр 2018
Ўз аъёнлари билан 2 ноябрь куни Бухорога келган Россиянинг миллатчи доҳийси Владимир Жириновский уни дабдабали зиёфатга таклиф қилган Бухоро ...
Блоглар
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...
20 ноябр 2020
Бугун кечқурун газим ёнмади, ўзи шундоқ ҳам паст ёнарди. Ўтин-кўмир ғамламагандим. Кичкина электрпеч ўзини ўзи ...
18 ноябр 2020
Эрталаб мош сотдим. Кўп эмас, беш юз кило. Мошимни сотиб олган тадбиркор йигит: “Мошнинг пулини ...