МХХ раиси Иноятов Дубайда $12 миллионга уй олдими?

Ўзбекистон Миллий хавфсизлик хизмати раиси Рустам Иноятов Дубайда қиймати 12 миллион доллар бўлган турар жой иншооти қурдиргани ҳақидаги маълумотни Open Source Investigations (OSI) журналистлари 22 январь куни очиқлади.

Бу Яқин Шарқ ва дунёдаги энг йирик эркин савдо зонаси портидан унча узоқ бўлмаган, ëлланма ишчилар учун мўлжалланган беш қаватли бинодир.

Кейинги икки ой ичида OSI Иноятовлар оиласига тегишли бўлган Россия ва Австриядаги мол-мулк ҳамда ширкатлар рўйхатини очиқлади.

OSI таъкидича, «Иноятовлар оиласига тегишли бўлган мол-мулклар рўйхатига эндиликда Дубайдаги 12 миллион АҚШ доллари турадиган иншоот ҳам тиркалган».

«Элтуз» ўзбек мулозимларининг ноқонуний йўллар билан мамлакатдан четга олиб чиқиб кетган бойликлари ҳақидаги мавзуни ëритишда давом этади.

Eltuz.com