Асосий мавзулар
28 май 2019

Муҳаммад Солиҳнинг китоби учун жазоланган шоир ҳикояси

Ички ишлар вазирлиги тергов департаменти хоразмлик шоир ва журналист 56 яшар Маҳмуд Ражабга нисбатан диний экстремизмни тарғиб қилувчи материаллар контрабандаси бўйича жиноят ишини 30 апрель куни очди.

Жиноий ишга асос қилиб, 26 март куни Тошкент аэропортила Маҳмуд Ражабдан олиб қўйилган китоб ва аудиоматериаллар киритилган.

Ўша куни у Грузиядаги семинардан Истанбул орқали қайтган ва мухолифат лидери Муҳаммад Солиҳ китобларини ўзи билан олган.

Мусодара қилинган китоблар орасида Муҳаммад Бекжоннинг қамоқда ўтган кунлари ҳақидаги «Алвидо, Жаслиқ» китобининг бир неча нусхаси ҳам бор эди.

Тергов департаменти расмий билдиришида ёзилишича, китоблар ҳамда бир дона “Mi 5+” русумли мобил телефон аппарати хотирасида диний мазмундаги, ақидапарастлик ғоялари билан йўғрилган материаллар (видео, аудиоёзувлар ва электрон китоблар) борлиги аниқланган.

Маҳмуд Ражаб 27 май куни «Элтуз» мухбирига берган интервьюсида эса уйида тинтув ўтказилган пайтда ҳам унга жиноят иши очилгани ҳақида айтишмаганини билдирди:

«Улар бирорта саволимга жавоб беришмади. Ўзларини таништиришмади. Ҳужжатларини кўрсатишмади. Тинтув давомидаям «Бошлиқларингиз ким?», «Ким бўласизлар?», «Қайси идорадансизлар?», деган саволларимга ҳам жавоб беришни истамади улар».

Маҳмуд Ражаб бу китобларга ўзбек зиёлилари орасида катта қизиқиш борлиги учун Истанбулдан олиб келганини айтади.

Маҳмуд Ражабнинг дўстлари ва ҳамкасблари эса у ўз ҳаёти ва ижоди билан ҳар қандай экстремизмдан йироқлигини намойиш қилаётганини билдиришади.

Маҳмуд Ражаб китоблар бир баҳона экани, аслида унга нисбатан босимларга Ўзбекистонда мажбурий меҳнатга қарши фаолияти сабаб бўлганини айтмоқда.

Маҳмуд Ражабнинг фикрича, унга қарши иш очишдан яна бир мақсад унинг атрофидагиларни қўрқитишдир.

«Бу воқеаларни уюштиришдан мақсад мени қўрқитиш эмас. Чунки менинг қўрқмаслигимни улар яхши билишади. Бошқаларни қўрқитиш бу. Менинг атрофимда дўстларим кўп. Одамларни қўрқитиш. Халқни қўрқитиш уларнинг мақсади.»

Маҳмуд Ражаб яшаётган Нурли йўл маҳалла фуқаролар йиғини раиси унинг бирор диний экстремизмга алоқадор эканлигини инкор этмоқда.

Маҳмуд Ражаб тинтув пайтида китоблари, ишлатилмаган СД дисклари ва унинг янги мобил телефонидан ташқари сиёсий варақа дея расмийлаштириб етти варақ қоғозни ҳам мусодара қилишганини айтади.

ИИВ сайтида эълон қилинган расмий билдиришга кўра, тинтувда олинган ашёлар юзасидан тегишли (диншунослик, суд-сиёсатшунослик-лингвистик, компьютер-техник) экспертизалар тайинланган.

Видео: https://youtu.be/Bbw5BAvTROI

Eltuz.com

Тағин ўқинг
7 январ 2020
Кейинги бир ой ичида 68 яшар бизнесмен, жиноий дунёга яқин бўлган Ғафур Рахимов хакида интернетда негатив шаклда тилга олинган ...
20 ноябр 2021
Жорий йилнинг 19 ноябрь куни ўзбекистонлик рассом, 33 ёшли граффити устаси Абдураҳмоннинг бензин нархлари ошганига оид  янги асари пайдо ...
5 июл 2019
Президент Мирзиёев 2017 йилнинг  13 июнидаги чиқишида ўзбек судьяларини одамларни ҳимоя қилмасликда, порахўрликда, ноҳақ қарорлар чиқаришда айблаган эди. Каримов ...
8 август 2017
Элтуз нашри ўтган 2016 йилнинг айни 8 августида, ўз томорқасида мева сабзавот етиштирган деҳқонларнинг ҳосилини эркин сотишига рухсат берилмаётгани, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...