Асосий мавзулар
25 сентябр 2019

Урганч судьяси Маҳмуд Ражаб айбига иқрор бўлганини иддао қилди

Хоразм вилояти телевидениеси 25 сентябр куни Урганч шаҳри маъмурий суди раиси Дилмурод Очиловдан иқтибос келтириб, шоир Маҳмуд Ражабнинг айбига иқрор бўлганини иддао қилди.

“Ўтказилган суд мажлисида фуқаро Ражабов Маҳмуд ва унинг яқин қариндошлари ўзларининг содир қилган ҳуқуқбузарлигини тушуниб етган ҳолда, айбига иқрорлик билдириб, суддан кечирим сўраб, енгиллик қилишни сўрашди. Суд ишни кўриб чиқиб, бир неча ҳуқуқбузарликни содир этганликда айбли деб топиб, Ражабов Маҳмуд ва Оллошукурова Нафосатларга нисбатан қонун санкциясида назарда тутилган 10 сутка қамоқ жазосини тайинлади. Қолган 15 нафар шахсга нисбатан жарима жазолари тайинланди”, дейди судья Дилмурод Очилов ўз интервьюсида.

Бироқ Хоразм вилояти телевидениеси кўрсатувида на суддан бирор лавҳа ва на 10 суткага қамалган шоир Маҳмуд Ражабнинг, на воқеаларни ёритган блогер Нафосат Оллошукурованинг изоҳини бермаган.

Шоир Маҳмуд Ражаб 21 сентябрь куни 6 ойдан буён ўзига бўлаётган босимларга норозилик билдириб, ўзининг мутлақо айби йўқлигини маълум қилган эди:

“Менинг халқ олдида ҳам, виждоним олдида ҳам, ҳукумат олдида ҳам, қонун олдида ҳам ҳеч қандай айбим йўқ. Йўқлигини исботлашга тиришдим, лекин фойдаси бўлмади. Президентга уч марта мурожаат ёздим. Республика бош прокурорига, ички ишлар вазири Пўлат Бобожоновга қайта-қайта мурожаатлар ёздим, лекин фойдаси бўлмади. Бугун мен ўз инсоний ҳуқуқларимдан фойдаланиб ўзимни ўзим ҳимоя қилишга мажбурман”, деган эди ҳимоясига чиққан қўшнилари олдида шоир Маҳмуд Ражаб.

Бундан ташқари, блогер Нафосат Оллошукурованинг суддаги адвокати Маъмурий жавобгарлик тўғрисидаги кодекснинг 29- моддасига кўра, ёлғиз она бўлгани учун Оллошукуровага нисбатан маъмурий жазо қўлланиши мумкин эмаслигини “Элтуз”га билдирди.

Нафосат Оллошукурова 24 сентябр куни тунда уни уришгани, аҳволи оғир экани тўғрисида қамоқдан бир СМС чиқаришга ҳам улгурган эди.

Эслатиб ўтамиз, Маҳмуд Ражаб шоир Муҳаммад Солиҳ асарларини Ўзбекистонга олиб кирганликда асоссиз айбланиб терговга тортилган. “Элтуз” нашри шоир Маҳмуд Ражаб тақдири билан боғлиқ воқеаларни кузатишда давом этади.

Eltuz.com

Тағин ўқинг
23 март 2020
Коронавирус чиққани ортидан туалет қоғози таламон бўлди. Рассом Кирпидан пандемия мавзуига оид янги карикатура. Eltuz.com
30 июн 2016
Туркия Ички ишлар вазирлиги тарқатган маълумотга кўра, Террорчилардан бири Ўзбекистон ватандоши. Яна бири эса Россия Федерациясининг Доғистон республикасидан яна ...
15 январ 2019
Немис ширкатлари Тошкентдаги Халқаро форумлар саройи қурилиши учун ўн йилдан буён ўз иш ҳақларини кутишмоқда. Германия матбуотига кўра, федерал ...
21 март 2018
Ўзбекистон президенти Мирзиёевнинг товуқларни нега севиши 20 март куни Самарқанд вилоятининг Оқдарё туманига борганида аниқ бўлди. Президент матбуот хизмати ...
Блоглар
27 январ 2021
Элтуз қисқа ҳажвий анимацион фильмлар туркумини давом эттиради. Навбатдаги фильмда бульдозер дарахтзорни суриб ташлайди ва ...
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...