Cатира
9 июн 2020

“Шўрданак” актёрлари ДАН ходимларидан кечирим сўрашди

ИИВ Йўл ҳаракати хавфсизлиги бош бошқармаси расмий сайти 8 июнь куни “Шўрданак” кўрсатуви муаллифларининг ДАН ходимларидан кечирим сўрагани акс этган видеороликни эълон қилди.

Видеороликда ДАН ходимларининг ижтимоий тармоқларда ҳажв қилиниши эски совет тарғиботи руҳида кескин қораланади. Шунингдек, ДАН ходимларини ҳажв қилган “Шўрданак” актёрлари ўз ишларидан ўта пушаймонда эканликларини, “бу ишнинг бошқа қайтарилмаслигини” билдиришади. 

“ДАН ходимлари ҳақида илгари яхши, чиройли нарсалар қилганмиз, Лекин шу сафар хато ва камчиликларга йўл қўйдик. Қайсидир маънода шу касб эгалари ҳақида етарлича маълумотга эга эмаслигимиз бизга панд берди. Бу хатоликлар учун пушаймондамиз, афсусдамиз”, дейди, жумладан, актёр Чўлиев.

Ҳамкасбининг тазаррусини “Шўрданак” актёри Дониёр Ҳасанов давом эттиради. У ДАН ходимларининг ҳажв қилинишини “ижодий гуруҳнинг фожеаси”, дея атайди.

“Шу йигитлардан бирортаси билан юзма-юз келиб қолганда бўладиган ҳолатдаги хижолатликдан ҳозирдан ич-этимни еяпман”, дейди Дониёр Ҳасанов.

Видеороликда ижтимоий тармоқларда йўл ҳаракати хавфсизлиги соҳасига оид ҳолатлар акс этган видеотасвирлар, фотосуратлар ва мақолалар Йўл ҳаракати хавфсизлиги бош бошқармаси томонидан мунтазам назорат остига олингани, ҳолатлар юзасидан ходимлар томонидан мунтазам текширувлар ўтказилиб, тегишли чоралар кўрилаётгани билдирилган.

Айни пайтда  “Элтуз” Ички ишлар вазирлигини ҳажв қилмаслик мажбуриятида бўлмаган рассом Туз ва унинг ҳамкасблари ўзбек милицияси ҳақидаги чизган ҳажвий суратлар тўпламини эътиборингизга тақдим этади.  

Eltuz.com

Тағин ўқинг
20 март 2018
Маҳаллий ҳокимлик Каттақўрғон туманида дарсдан олиб чиқилиб, кўча супуришга мажбурлангани оқибатида “Камаз” тагида қолиб ўлган 42-мактаб ўқитувчиси Диана Енекеева ...
14 апрел 2016
Ўзбекистон Миллий Хавфсизлик хизмати буюртмасига кўра тайёрланган “ГТА ёҳуд ўйинга айланган хаёт” хужжатли фильми Олий ўқув юртлари, мактаб ва ...
30 май 2019
Кристиан Ласслет Коррупциялашгани билан танилган Ўзбекистон давлати ўзини ислоҳ қилишга уринаётган бир пайтда янги суриштирувлар давлат ва хусусий сектор ...
1 феврал 2018
Швецияда чиқадиган “Афтонбладет” газетаси террорчиликда айбланаётган самарқандлик Раҳмат Оқилов 42 ёшли таниқли комик артист Ўз Нуин (Özz Nûjen) оиласи ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...