Асосий мавзулар
7 ноябр 2016

Буни сиёсий ҳушёрлик дейдиларми?

Айрим сиёсий партияларнинг нашрлари сиёсий ҳушёрликнинг ёрқин намунасини намоён этди.

«Адолат» партиясининг шу номдаги газетаси (4.11) илк саҳифасини сайловчиларни партия етакчисини эмас, балки унинг дастурини қўллаб-қувватлашга чақирди!

«Ўзбекистон «Адолат» социал-демократик партиясидан президентликка номзод Наримон Умаровнинг дастурини қўллаб-қувватлашга чақирамиз», деб ёзди газета.

Худди шу ҳолатни «Миллий тикланиш» газетасида ҳам кўриш мумкин. У ҳам шу номдаги партиядан кўрсатилган номзодга оид айни шундай чақириқни эълон қилди.

Тўғри, «Адолат» газетасида партия номзодига овоз бериш даъвати ҳам бор. Аммо бу чақириқ газетанинг сўнгги саҳифасига жойлаштирилди.

«Ўзбекистон овози» эса (5.11) бироз дадиллик қилди. Халқ демократик партиясидан номзод Хатамжон (ҳамма жойда шундай ёзиляпти, паспортдаги ёзув қурсин-да!) Кетмоновга овоз беринг, дея баралла ёзди.

Тўғри, нашрлар номзодларнинг ўзиними, уларнинг дастурлариними қўллаб-қувватлашга қанчалик чақирмасин, сайлов натижаси қандай бўлишини бугун мамлакатда кўпчилик билиб турибди.

Шунингдек, партиялар нашрлари улардан президентликка номзоди кўрсатилган шахсларнинг дастурларини эълон қилди.

Бу дастурларни синчиклаб қараб, бир жиҳатга эътибор қаратдик. ЎзЛиДеП номзоди Шавкат Мирзиёевнинг дастури аниқ рақамлар, конкрет суммаларга жуда бой. Ш.Мирзиеёв ҳатто кейинги йили давлат томонидан қилиниши яқиндагина депутатлар томонидан тасдиқланган режаларни ҳам ўз дастурига тиқиб юборган.

Масалан, буни 2017 йилга мўлжалланган аҳоли бандлиги дастурига оид қилинадиган ишлар, бўлажак қурилишларга доир рақамларда ҳам кўриш мисолида ҳам мумкин.

Бошқа номзодларники билан солиштирганда Ш.Мирзиёевнинг дастури худди марҳум президент Ислом Каримовнинг давлатнинг келажакдаги режалари тўғрисидаги нутқларини эслатади.

Бундан хулоса шуки, Ш.Мирзиёев ҳалитдан «ўз жуни билан давлат жуни»ни аралаштириб юборяпти. Шу пайтгача давлат раҳбари даражасида ҳал этилиб келинган масалаларни ҳали номзод пайтидаёқ ўз дастурига кириб, «уйда ким хўжайин экани»ни кўрсатиб қўйган.

Бошқа партиялар номзодлари дастурлари ҳақида бундай деб бўлмади. Улар бир-бириникига ўхшаш бўлган, партияларнинг сайловолди дастурларидан келиб чиқадиган анчайин умумий гаплардан иборат.

Хусусан, деярли барча номзодлар дастурларида бандликни таъминлаш масаласига эътибор қаратилган бўлса-да, ЎзЛиДеП номзодиникидан фарқли ўлароқ, бунга тегишли бирорта рақам йўқ.

Шунингдек, аксарият газеталарда бўлажак сайловда биринчи марта қатнашаётган ёшлар номидан мақолалар бериляпти. Бу мақолаларда ёшлар «сайлов кунини ҳаяжон билан, орзиқиб кутаётгани», «мазкур муҳим жараён уларда катта қизиқиш уйғотаётгани» каби баландпарвоз гаплар қалаштириб ташланган.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
7 июн 2016
Ўзбекистон телеканалларида мамлакат иқтисодиётининг «қудрати», «имкониятлари», дунёда салкам энг ривожланган экани тўғрисида эшитсангиз ажабланманг. Чунки 20 йилдан ошдики, фақат ...
2 август 2016
Кўзбўямачиликнинг бу усули Тошкентда Мустақилликнинг 25 йиллиги олдидан қилинаётган хўжакўрсин амалиётларнинг бир қисми экани айтилмоқда. «Чинорларни чопишмоқда – арчаларни ...
13 сентябр 2018
«Навбатим яқинлашган сари тобора кучайиб бораётган ваҳима бутун вужудимни қоплаб олди. Ўнг оёғим товони зирқираб оғрий бошлади…». Муҳаммад Бекжон ...
17 август 2021
The Economist нашри 15 август куни «Толибон»нинг Афғонистондаги ғалабаси ва ҳукуматнинг тезда таслим бўлиши таҳлилига бағишланган мақола чоп этди. ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...