Асосий мавзулар
18 май 2021

Самарқандда «ГАИ» бошлиғи машинасига сигнал чалган ҳайдовчи жазоланди

Самарқандда «Дамас» автомобили ҳайдовчиси ИИБ ходимининг ўтиш йўлини тўсиб тўхтаган, давлат рақами 828 VSS бўлган машинасига сигнал бергани учун жазоланди. Унинг автомобили жарима майдончасига жойлаштирилди.

Тармоқда тарқалган видеода акс этган воқеа, «Элтуз»га маълум бўлишича, 8 май куни эрталаб Самарқанд вилоятининг Пахтачи туманидаги содир бўлган.

Ҳайдовчи асосий йўлга чиқиш учун машиналар ўтиб кетишини кутиб турганида, давлат рақами 828 VSS бўлган оқ рангли «Ласетти» автомобили келиб, унинг йўлини тўсади. Ҳайдовчи унга сигнал беради.

Автомобилдан тушган ИИБ ходими фуражкасини намойишкорона кияркан, орқадан изма-из «Нексия» машинасида етиб келган бошқа бир ходимга “Бунга чора кўр”, дея буйруқ бериб, нари кетади.

“Катталар келяпти. Номерни танимайсанми”, дейди “ҳайдовчига чора кўриш”ни бошлаган ИИБ ходими.

Ўзини “ГАИ начальниги Мақсуд Тоғаевман”, дея таништирган ходим «Дамас» ҳайдовчисидан ҳужжатларини сўрайди. Ҳайдовчи сабабини сўраганида Тоғаев “ейман!” дея жавоб беради.

“Ўпкангни босиб ол ким бўлсанг ҳам!” дейди машинани жарима майдончасига олиб кетаётган ИИБ ходими «Дамас» ҳайдовчисига.

“Начальник экан, сигнал бериш мумкин эмас. Уйимиздан ҳам чиқолмаймиз энди!” дейди  «Дамас» ҳайдовчиси машинасини жарима майдончасида қолдираркан.

«Дамас» автомобили видеорегистраторига ёзилган, ИИБ ходимлари қўполлиги акс этган видеода туман ЙҲХБ бошлиғи Мақсуд Тоғаевга “Бунга чора кўр!” деб буюрган ходимнинг кимлиги «Элтуз»га ҳозирча номаълум.  

Eltuz.com

Тағин ўқинг
6 март 2016
5 март куни Грозный шаҳридаги «Сафия» тантаналар уйида Ўзбекистон халқ артисти Юлдуз Усмонова Рамзан Қодировга қараб «Хеч кимга бермайман…» ...
3 май 2021
Маданият вазирлиги Маданий мерос департаменти матбуот хизмати “Элтуз”нинг телеграм канали ва Facebook ижтимоий тармоғида жорий йил 24 апрель куни ...
23 июн 2017
Шу ойда Турк давлат банки Ziraat bankasi Тошкентда ўз филиалини очиши кутилмоқда. Бу ҳақда 20 июн куни Ўзбекистон Бош ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва моддий ўтказмалардан ноқонуний фойдаланиш” ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...