Асосий мавзулар
6 январ 2022

Муҳаммад Солиҳ: Тўқаев истеъфога кетсин

Ўзбек мухолифат лидери Муҳаммад Солиҳ Элтуз мухбири билан суҳбатда Қозоғистондаги воқеаларга муносабат билдирди.

Ўзбекистон «Эрк» демократик партияси лидери Муҳаммад Солиҳ Қозоғистондаги вазиятни тўғирлаш имкони бор деб ҳисоблайди.

Солиҳга кўра, бунинг учун Қозоғистон президенти Қосим Жўмард Тўқаев истеъфо бериши керак:
“Халқининг ҳузури ва тупроқларининг эгаманлигини таҳлика остига қўймасдан, мақомидан истеъфо этиб, демократик сайловларга йўл очиш ўрнига халқни бу таҳликали ўйин ичига судраш учун халқ душмани бўлиш мумкин.

Ҳали хам кеч эмас, Қозоғистон бошқаруви “халқ – террорист” шиоридан воз кечиб, намойишчиларнинг ҳақли талабларини ерига келтириши ва ўлкани соғ-салим демократик сайловларга олиб келиши мумкин».

Муҳаммад Солиҳ бугун олов ичра қолаëтган ва узоқ йиллардан бери Марказий Осиёда энг истиқрорли давлат имижини ташиган Қозоғистондаги қўзғолонни 1986 йилги кўтарилиш билан қиëслайди:

«Бу оёқланма 1986 йил декабр ойида Олмата шаҳрида юз берган исёндан кенгроқ миқёсда ва йиқувчилиги ҳам кучлироқ. Бу икки воқеанинг бир-биридан фарқи шу: 1986 йилда қозоқлар Рус истибдодига қарши кўчаларни тўлдиргандилар. 2022 йилда эса ерли ҳукумат зулмига қарши қўзғолон кўтардилар.”

Мухаммад Солиҳга кўра, бу икки воқеанинг сабабчиси битта яъни коммунистик зеҳният:
“Бу ўлкалар 1990 йилда мустақилликларини эълон қилдилар, лекин бу ўлкаларни бошқарган эски коммунистлар асло мустақил бўлаолмадилар. Улар ўз тахтини сақлаб қолиш учун ўлка мустақилликларидан ҳам воз кечишга доим тайёр турдилар.”

Муҳаммад Солих Қозоқ президентининг КХШТдан харбий ëрдам сўрашини минтақа учун ҳатар деб ҳисоблайди:

“Қаранг, кўчага чиққан халқни бўйсундира олмаган собиқ коммунист лидер Жомарт Тоқабаев минтақада жандарма ролини ўйнаётган, “Коллектив Хавфсизлик Шартномаси Ташкилоти” деб аталган Русияга тобе бир ташкилотни ёрдамга чақирди. Ҳолбуки, бу Ташкилот ташқи хавфга қарши қўлланилиши керак бўлган бир қурилишдир. Унинг Қозоғистон тупроқларига кириб келиши учун ҳеч бир ҳуқуқий тамал йўқдир.”

Солиҳга кўра, агар қозоқ халқи бу Ташкилот ҳаракатларига қарши ўзининг машру мудофаа ҳақларини қўлланишга бошласа, буни ҳуқуқ таниган ҳеч бир давлат халқнинг бу ҳаракатини ноқонуний деб йўримлай олмайди:

“Қолаверса, Қозоғистон тупроқларига “Коллектив Хавфсизлик Шартномаси Ташкилоти” аскарлари таркибида Арманистон, Беларус ва Тожикистон давлатларининг ҳам тамсилчилари кирса, бу миллатларораси адоватга сабаб бўлиши эҳтимоли жуда юксак.”

Eltuz.com

Тағин ўқинг
21 март 2023
Элтуз ўзининг кундалик кўрсатувларини давом эттиради. Бугунги кўрстувимизга ўтган асрнинг тўқсонинчи йилларидан буён АҚШда яшаётган сиёсатшунос Баҳодир Файзни таклиф ...
10 октябр 2023
Салом қадрли муҳлислар, элтуз порталига келган навбатдаги бешта шикоят мактубини ўқиб эшиттирамиз. Улар Бухоро, Сурхондарё, Жиззах ва Фарғона вилоятларидан ...
25 август 2020
Диктатор учун трансформер тахт. Рассом Туз
23 октябр 2017
Совет Ўзбекистонини узоқ йиллар бошқарган Шароф Рашидов шахсига ҳар хил баҳо бериш мумкин. Кимдир уни республикани руслаштириш, пахта монополиясини ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...