Асосий мавзулар
9 март 2017

Гўшт деб сотилаётган суяклар

Ўзбекистонда сўнгги йилларда гўшт нархи осмон бўлиб кетди. Ҳукумат ҳам буни кўриб, муаммони ечиш ҳаракатига тушиб қолди.

Бозорларда сотиладиган гўшт нархини белгилаб қўйди ҳукумат. “Жамият” газетасида (03.02) чоп этилган мақола айнан шу мавзуга бағишланган.

Унда ёзилишича, Тошкент шаҳри ҳокимлиги кўрсатмасига асосан, бозорларда “гўшт маҳсулотларининг энг юқори чекланган нархи 20 минг, тадбиркорлар расталарида 23 минг сўм этиб белгиланган”.

Мақола муаллифи мана шундай гўшт сотиш нуқталаридаги қаллобликлар ҳақида фикр юритар экан, бозордаги қассобларнинг қилғиликларини қаламга олади.

Унинг иддаосича, қассоблар 2 кило кило гўшт сотиб олмоқчи бўлсангиз, унга камида 500 г суяк ва чарви қўшиб беради. Яъни шунча суяк ва чарвини гўшт нархида сотади. Сиз 2 кило гўшт нархида аслида бор-йўғи бир ярим кило гўшт оласиз, қолганига суяклик бўласиз.

Муаллифнинг эътироф этишича, қассоблар сўйилган молга мутлақо алоқаси бўлмаган суякларни ҳам сотаётир. Яъни гўшт бошқа молники, суяги бошқасиники.

Бунинг исботи сифатида мақолада ҳар битта сўйилган молнинг соф 1 кг гўштига 150 г суяк тўғри келиши тўғрисида бир олимнинг исботи ҳам келтирилган.

Дарҳақиқат, ҳукумат гўштга қатъий нарх белгилаган. Лекин бозордаги эркин нарх умуман бошқа. Шунинг учун давлат айтган нархда савдо қиладиган қассоблар эркин бозорда фаолият юритаётган ҳамкасбларидан қуруқ суякни сотиб олиб, кейин уни харидорларга гўшт баҳосида пулламоқда.

Агар бозордан гўшт сотиб олмоқчи бўлсангиз, қассобларнинг ўзи ҳам қаллоблигини яшириб ўтирмайди.

“Гўшт бозорда эркин нархда қанчага сотилаётган бўлса, биз ҳам суяк қўйиш орқали барибир ўша нархда ўтказмасак, бу ерда ўтиришимиздан фойда йўқ”, дейди улар очиқчасига.

Бу ўринда бир ҳақиқат яна майдонга чиқади. Ҳукумат қанча зуғум ўтказмасин, қанчалик қатъий нарх белгиламасин, барибир савдогар ҳеч нарсани бозор кўрсатиб берган баҳодан камига сотмайди.

Гарчи юқорида тилга олганимиз мақолада бундай хулоса келтирилмаган бўлса-да, ундан англашма шуки, давлат бошқарувига асосланган нарх-наво сиёсати ҳеч қачон ўзини оқламаган!…

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
14 июл 2016
“Правда востока” газетаси Вьетнам Социалистик Республикасининг Ўзбекистондаги элчиси байрам муносабати билан “Жаҳон” ахборот агентлигига берган интервьюсини эълон қилди. “Ўзбекистон ...
17 май 2016
“Ўзбекистон овози” газетаси Ўзбекистон касаба уюшмалари федерацияси кенгашида Халқаро меҳнат ташкилоти (ХМТ) билан ҳамкорликда семинар ташкил этилгани ҳақида хабар ...
2 март 2020
Мансур Мировалев АҚШ давлат котиби Майк Помпео Марказий Осиё раҳбарларини қатағонларни қоралашга чақирган бўлса-да, экспертларнинг таъкидлашича, Пекиннинг минтақадаги таъсири ...
1 март 2020
Горбачёв даври етиштирган энг таниқли рус-совет журналисти Владислав Листьев 1995 йилнинг 1 мартида Москвада отиб ўлдирилган эди. Ўша пайтда ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...