Асосий мавзулар
14 март 2022

Тошкент россияликлар паноҳгоҳига айланяпти

Тошкентдан келаётган хабарларга кўра, сўнгги кунларда минглаб россияликлар гала-гала бўлиб Россияга нисбатан қўлланилаётган санкциялардан қочиб, Ўзбекистон пойтахтига кўчиб кела бошлаганлар. 11 мартнинг ўзида Тошкент аэропортига Москвадан 6 та самолёт учиб келган. Россиянинг турли минтақаларидан Тошкент аэропортига кеча жаъми 12 парвоз бўлган. Кўчиб келаётган россияликларнинг аксари ўзига тўқ оилалардир. Уларнинг кўпи ҳарбий хизмат ёшидаги информацион технологиялар мутахассислари, ўртаҳол тадбиркорлар ва пенсия ёшидаги қариялардир.

Бундай кўча-кўчлар Тошкентда янги қурилган уйлар нархининг баъзи ҳолларда икки бараварга кўтарилишига сабаб бўлган. Тошкент Ситида қиматтлиги учун ҳувиллаб ётган квартиралар аллақачон сотиб бўлинган. Метр квадрати нисбатан арзон – 500 доллар бўлган квартиралар нархи бирдан 1000 долларгача қимматлаган. Шунда ҳам маклерларнинг қўли қўлига тегмаётир. Баъзи пулдор россияликлар биратўла бир неча квартира сотиб олмоқда.

Афтидан, санкцияларга юз тутган Россиядан ўз пулини олиб чиқишнинг йўли – бу Ўзбекистонга ўхшаган Россияга душман кайфиятда бўлмаган, Россия фуқароларидан виза талаб қилмайдиган мамлакатларга бўляпти, дейди ўзбекистонлик таҳлилчилардан бири.

Тошкент меҳмонхона ва ҳаттоки хостелларида ҳам жой йўқлиги айтилмоқда.

Кўплаб россияликлар биратўла йил охиригача кира ҳақи тўлаб аренда квартираларга жойлашмоқда.

Тунги Тошкентда жомадонини судраб бораётган русларни кўриш одатий ҳолга айланди, дейди пойтахтда таксистлик қилувчилардан бири.

Тошкентдаги ресторанлар ҳам муштарийларга тўлиб тошган. Уларнинг аксари россияликлардир.

Айни пайтда, Россиядан келган мутахассислар Ўзбекистон миграция органларида илиқ кутиб олинмоқда. Уларга кўп ҳолларда бир куннинг ўзида меҳнат визаси ва ишлаш учун рухсатномалар тайёрлаб берилмоқда.

Тағин ўқинг
23 март 2016
“Халқ сўзи” газетаси “Жаҳон” ахборот агентлигига асосланиб Ўзбекистон президентининг 2015 йил якунларига бағишланган машваратдаги маърузаси Буюк Британия экспертлар ҳамжамиятида ...
7 ноябр 2017
2017 йилнинг 3 ноябрида ҳуқуқ ҳимоячиси Елена Урлаева Андижон вилоятининг Балиқчи тумани пахта далаларида бўлиб, ўқитувчиларининг назорати остида пахта ...
29 июл 2018
Ўзбекистонда энг узоқ муддат қамоқда ўтирган журналист ва собиқ сиёсий маҳбус Муҳаммад Бекжон ўзбек турмасидаги ҳаётига бағишланган биринчи китобини ...
20 сентябр 2017
Президент Мирзиёев БМТ Бош Ассамблеясининг 72 сессиясида қатнашиш учун АҚШга россиялик миллиардер Алишер Усмоновнинг Airbus A340-313 шахсий самолётида борди. ...
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...