Асосий мавзулар
23 май 2023

Мактаб томидан ўтаётган чакка, таъмирланмаётган йўл ва тарихий кўлнинг кўмилилиши – ЭП77

Cалом қадрли мухлислар Элтуз порталига келган навбатдаги бешта хатни ўқиймиз. Улар Ташкент, Қашқадарё ва Cамарқанд вилоятларидан келган. Дастлабки шикоят тошкент вилоятининг Бўка туманидан. Очиқ бюджет лойихасида ғолиб чиққан туманга йўл таъмири учун пул ажратилмади дея ёзмоқда, хат эгаси.

Тошкент вилояти Бўка туманидан мурожаат қиляпмиз. “Очиқ бюджет” порталига ички йўлларни асфалтлаш лойиҳасини қўйиб ғолиб чиқдик, лекин ҳалигача таъмирдан дарак йўқ. Туман ҳокимлигидан сўрасак, маблағ йўқ, 2023 йил давомида ҳам иложи йўқ дейишяпти. Қўшни Пискент туманида “Очиқ бюджет”да ғолиб чиққан лойиҳалар бўйича йўллар асфалт қилиб берилди. Бўка туманида ғолиб чиққан лойиҳалар ҳам тез муддатга ижро этилишини сўраймиз

Кейинги мактуб Қашқадарёнинг Муборак туманидан. Газ ишлаб чиқариладиган туманда газ йўқ. Аҳоли суюлтирилган газ баллони келиши кечикаётганидан арз қилмоқда.

Қашқадарё вилояти Муборак тумани Қарлиқ қишлоғи Бўстон маҳалласидан мурожаат қиляпмиз. Қишлоғимиз иккига – Катта Қарлиқ ва Кичик Қарлиққа бўлинган. Катта Қарлиққа суюлтирилган газ баллонлар 30, ба’зида 40-50 кун кечикиб тарқатилмоқда. Вазият мураккаб бўлиб, бирор мас’улга илтимос қилсангиз тезроқ ажратадилар. Бўлмаса, эски ҳаммом эски тос. Қишлоғимиз Муборак газни қайта ишлаш заводига яқин бўлса-да табиий ва метан газ йўқ. Ҳолат юзасидан амалий ҳаракат кутиб қоламиз

Навбатдаги хат ҳам Қашқадарёдан. Сифатсиз мактаб қурилиши ва мактабдаги носоғлом муҳит ҳақида ёзишмоқда.

Қашқадарё вилояти Қарши туманидаги 12-мактабдан ёзмоқдамиз. Мактабимизда 2022 йилда маҳаллий бюджет ҳисобидан қурилиш олиб борилди. Аммо қурилиш ажратилган маблағга яраша бўлмади. Мактаб жиҳозлари ҳам ўлда-жўлда, мактаб ҳовлиси, узр-у, эски қурилиш моллари сотадиган бозорни эслатади. Мактаб директори маънавият ишларига бефарқ. “Янги Ўзбекистонда сифатли таълим” деб бонг урилмоқда. Бизда эса бунинг акси. Мактабда муҳит соғлом эмас. Вазирлик ҳолатни назоратга олишини сўраймиз.

Кейинги шикоят Бўка туманидаги тарихий кўлнинг кўмилиб ўрнида газ заправка қурилаётгани ҳусусида.

Тошкент вилояти Бўка тумани марказида жойлашган тарихий кўлни кўмиб, унинг ўрнида газ заправка қуришяпти. Қурилишни тўхтатишга на аҳоли, на ҳокимнинг кучи етди. Қурилиш қонуний бўлмоқдами?

Ва ниҳоят сўнгги мактуб Самарқанд шаҳридан кўзи ожиз болалар учун ихтисослашган мактаб томидан чакка ўтаётган экан.

Самарқанд шаҳридаги 59-сон кўзи ожиз болалар учун ихтисослашган мактаб-интернати ошхонасидан чакки ўтмоқда. Ҳолбуки, та’лим маскани яқинда қарийб 19 миллиард сўм сарфланиб таъмирланди. Ҳолатни назоратга олишларини сўраймиз.

Бу сизга бугун ўқиб эшиттирганимиз бешта шикоятнинг сўнггиси эди. Кўрсатувимизга келаётган изохларда кўпинча биз билан қандай боғланиш. Қандай қилиб бизга мурожаат қилиш мумкинлиги тўғрисида сўрашади. Билмаганлар учун яна бир бор эслатамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам эътиборингизга тақдим этишга интилади. Видеоларимизга лайк босинг. Каналларимизга обуна бўлишни унутманг.  

@eltuz

Тағин ўқинг
25 сентябр 2019
ёхуд шоирлик ва маҳбусликнинг ораси неча қадам? Маҳмуд Ражаб ҳақида ёзяпман-у, устоз Матназар Абдулҳакимнинг “Маҳаллийчилик қилмаган ҳолда бир-бирларингни қўллаб ...
29 декабр 2023
Рассом Туз
12 апрел 2024
Расмдаги хотинни отиб ўлдириш учун олиб кетишмоқда. У Вьетнамлик тадбиркор. Веьтнамнинг Ортиқхўжаеви. Вьетнам суди тадбиркор Чыонг Ми Ланни ўлимга ...
5 июн 2020
Оҳ ëз, қандай соз! Мана, ўлмаган қул сиз билан яна бир ëзнинг бошида гаплашиб турибмиз. Ëзни яхши кўраман. Шу ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...