UzPoster
25 июн 2023

Ростов цирки пардаси ортида нималар кечди?

Пригожиннинг уруш саҳнасидан чекиниб, Ростовда нағма кўрсатгани, Путин билан келишув қилиб, Беларусга қочишини кўплар Путиннинг ғалабасидай қабул қилаяпти.

Ҳатто бу томошани, гўё, Элтуз уюштиргану энди чиппакка чиққандай. Шунчаки коментарияларни ўқиймиз: «Элтуз чангитди роса, энди Путин кўрсатади», «Путин билан Пригожин пранк қилиб атрофидаги садоқатли давлатларни аниқлаб олди», «Путинни синдириш бандасигамас», «Элтуз ниятига етмади!»…

Ростдан ҳам шундайми? Пригожин қаҳрамон бўлдими? Путин ғалабасими эди бу?

Аслида Пригожин томошалари (айниқса, ўрис танкининг Ростов цирки биносига тиқилиб қолгани билан боғлиқ трюклар) давом этаётган бир пайтда Россия мунтазам армияси уруш майдонида катта талофотлар кўришда давом этди.

Очиқ манбаларда қайд этилишича, 24 июнь куни 720 нафардан ортиқ рус босқинчиси Украина тупроқларида ер тишлади. Рус армиясининг 6 та танки, 2 БТР, 4 та ҳарбий автомобили, 20 га яқин артиллерия тизими, 12та БПЛА дрон учоқлари украин ҳарбийлари томонидан яксон этилди.
Пригожиннинг ўзи уриб туширган Путиннинг иккита вертолети ва портлатилган кўприклар, Рамзан қўшинларининг Ростовга ташланиши ва Москванинг қамал қилиниши билан боғлиқ кўрилган зарарлар бундан мустасно.

Энг қизиғи рус армияси шармандаларча чекинишда давом этмоқда. Пригожин эҳтиросли чиқишларидан бирида Россия армиясида кунига 1000 га яқин одам талаф бўлаётганини эътироф этди.

Пригожиннинг Путин билан келишиб Беларусга қочгани эса на унга шуҳрат келтиради ва на унинг хўжасига. Россия эса чўзилган урушнинг қонли ботқоғига янада чуқурроқ ботмоқда.

Путин президентни ҳимоя қилган 6 нафар ҳарбий учувчининг ўлимига кўз юмди. Бош прокуратура Пригожин устидан очилган ишни беркитди.

Путин хиёнатни кечира олмаслигини айтган. CNN тарқатган янги хабарга кўра, Россия президенти Пригожинни Белорусда йўқ қилишга уринади.

Хулоса қилиб айтганда, Путин армия кўз ўнгида давлатчиликни йўққа чиқарди ва шу билан ўз умрини қисқа муддатга узайтирди.

Қудрат Бобожон,
Элтуз муҳаррири

Тағин ўқинг
10 январ 2022
Қозоғистонда юқори мартабали хавфсизлик ходимлари бирин-кетин ўлик ҳолда топилмоқда. Миллий хавфсизлик қўмитаси полковниги Азамат Ибраевнинг жасади пойтахтдаги ўз уйи ...
10 сентябр 2021
Мана, ҳафта айланиб яна сиз билан ҳамсуҳбатман. Қизим сенга айтаман, келиним сен ҳам эшит, деган формат бор. Мен суҳбатни ...
11 июн 2021
Мана, азизлар, ҳафта айланиб сиз билан яна юзма-юзман. Бормисиз, омонмисиз? Ëз қандай соз десам, ўзимни ҳам, сизни ҳам алдаган ...
27 апрел 2023
Ўлмасни худой, синмасни кулол яратмас. Одам ҳам қарийди. Шу боис пенсия ëши белгиланган. Ëши бир жойга борган одам давлатни ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...