Асосий мавзулар
24 ноябр 2023

Сахий Салимбой Ғопирнинг уйига Азроилни ҳам юборишга тайёр

Тошкентда ўтган ҳафта бўлиб ўтган профессионал бокс кечаси тадбиркор-мафиози Ғофир Раҳимовга халқ назаридан четда қолмаганини кўрсатиш учун яхшина бир фурсат эди.

Ғофир Раҳимов қолган бор кучи, иқтидори ва таниш-билишларини ишга солиб, жаҳон бокси юлдузлари – Майк Тайсон, Эвандер Холлифилдни Тошкентга олиб келди.

Уларга ош дамлади, фахрий камарларни тақди. Улар қатори яна ўнлаб ўтмишдаги ва ҳозирги боксчиларга зарчопонлар улашди.

Бокс кечасида ҳам ВИП-меҳмонлар тўрида ўтирди Ғофирбой.

Яхшигина пиар қилди ўзини ўзи.

Аммо, бокс кечаси сўнги кунларда Тошкентда тарқалган миш-мишлар соясида қолди ва унутилди ҳам.

Элтузга бир неча мустақил манбадан етиб келган гапларга қараганда, Ғофир Раҳимов хорижий меҳмонларни олиб юрган йигитларни қаттиқ огоҳлантирган: меҳмонларни бошқа бир бой – Салим Абдувалиевнинг Тошкентнинг Оқ Уй гузаридаги уйига олиб борганлар қаттиқ жазоланади. У ҳатто меҳмонларни ҳам Салимбой уйига бормаслик ҳақида огоҳлантирган: Унинг уйига борсангиз, сизга ваъда қилганим пул берилмайди, вассалом!

Тошкент катта бўлиши мумкин, лекин бунақа гап тез тарқалади. Айниқса тадбиркорлар ичида гап турмайди. Хуллас, Ғофирбойнинг гапи Салимбойнинг қулоғигача етиб борган.

Сахийлиги билан ном чиқарган Салимбой Ғофирбойнинг “прогони”га ўзига хос услубда жавоб қайтарибди (Элтузга бу гапни ўз қулоғи билан эшитган бизнеменлар айтди):

– Ман Ғопирбойдек зиқна, бахил одам эмасман. Агар мани олдимга ўлим фариштаси – Азроил келадиган болса ҳам, ман ҳеч иккиланмай, аввал Ғопирбойникида меҳмон бўлишига қаршилик қилмас эдим.

Эслатиб ўтамиз, ўтган йили 25 январда Тошкентнинг қоқ марказида жойлашган “Огни Ташкента” ресторанида ўзбек мафиясининг энг кўзга кўринган икки кекса вакили – Салим Абдувалиев ва  Ғофур Раҳимов ўртасида хуфия учрашув бўлиб ўтган эди. Бир неча соат давом этган маърака – “яраш оши” сўнгида икки мафиабоши ўртасидаги кин ва адоватга нуқта қўйилган.

“Учрашувга жудаям машҳур одамлар келишди. Свет умуман бўлмагани учун ошни ресторан орқасидаги ҳовличада Тошкентнинг энг зўр ошпази пиширди. Яраш оши кўпчилик назаридан панада, жуда тўкин дастурхон атрофида ўтди,” – деган эди Элтуз манбаси.

Бу учрашувни икковлоннинг эски қадрдони, Ўзбекистон Касаба уюшмалари федерацияси президенти Қудратулло Рафиқов ташкиллаштирган эди. 

Ғофур Раҳимов ва Салим Абдувалиевлар ўртасидаги адоват 2009 йилга бориб тақалади.

Ҳодисадан хабардор шахснинг ҳикоя қилишича, ўша давр “жиноят олами”нинг энг қудратли боссларидан бўлган Ғофур Раҳимов ва Салим Абдувалиевлар ўртасида зиддиятнинг келиб чиқишига Янгийўлдаги ёғ-мой комбинати учун бўлган тортишув сабаб бўлган эди.

Тошкентда тарқалган сўнги гаплар Ўзбекистондаги энг иски ва атоқли мафиозалар ўртасидаги кина ва адоват ҳалиям битмаганини кўрсатади.

Элтуз Ўзбекистондаги ўғрилар олами, жиноий гуруҳларга яқин шахслар ва криминал авторитетлар фаолиятига оид воқеа ва ходисаларни ёритишда давом этади. Каналимизга обуна бўлишни видеоларимизга лайк босишни унутманг.

Тағин ўқинг
13 феврал 2022
Россия Украинага бостириб кирди дея фараз қилайлик. Иннан кейинчи… иннан кейин нима бўлади? Шуни совуққонлик билан бир таҳлил қилиб ...
29 май 2019
Тошкентлик қўшиқчи Абдулла Қурбоновнинг Умра сафари пайтида хоразмлик қўшиқчи Жаҳонгир Отажонов шаънига ёғдирган ҳақоратлари акс этган аудио 27 май ...
7 январ 2020
Марказий Осиë археологияси ва меъморий реставрацияси асосчиси Михаил Массон туғилганига 2017 йилнинг декабрида 120 йил тўлди. Бироқ Археолог изланишлар ...
22 май 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Андижон, Сурхондарё, Фарғона, вилоятлари дан ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...