Асосий мавзулар
12 феврал 2024

Шофиркон прокурорларининг чалкаш жавоб хатлари

Бухоро вилояти Шофиркон тумани Прокуратураси фуқароларнинг мурожаатлларини қонун талаблари доирасида умуман кўриб чиқмаётгани юзасидан Элтузга нусхаси Республика бош прокуратурасига жўнатилган иккита видеомурожаат келиб тушди.

Уларнинг бирини хотини номига ноқонуний кредит расмийлаштирилган Мўминжон Усмонов исмли шахс йўллаган. Иккинчи мурожаат эса вилоят мактабгача таълим муассасига жўнатилган шикоят юзасидан йўлланган. Айни ариза ҳам афтидан ўқиб ҳам кўрилмасдан, мутлақо бошқа соҳа вакилларига жўнатилган. Ҳар иккала шикоят мазмунидан, аризалар тўғри кўриб чиқилмасдан фуқароларнинг дарди хўжакўрсинга, мендан эгасига еткунча қабилидаги мужмал жавоблар берилаётгани. Оқибатда фуқароларнинг сарсонгарчиликлари янада ошаётани англашилади.

Дастлабки видеомурожаатни Элтузга Шофиркон тумани турғуни Мўминжон Усмонов йўлламоқда. 2022 йилнинг август ойларида Халқ банки ходими унга қўнғироқ қилиб, хотини Шалола Тўхтаева номига 21 миллион сўм кредит олингани ва унинг фоизини тўлаши лозимлигини билдирган. Айни пайтда у бундай кредит олмаганлигини айтади.

Унинг нусхаси Бош прокуратурага йўлланган видеомурожаатидан маълум бўлишича, юқоридаги холат юзасидан у аввалига Шофиркон туман прократурасига мурожаат қилган, бироқ улар тегишли чора кўрмасдан, мужмал мазмундаги жавоб хати йўллашган. Давлат хавфсизлик хизматига айни ариза нусхасини жўнатганидан кейингина унинг хотини номига ноқонуний кредит расмийлаштирган шахсларга жиноий иш очилган ва иш судга оширилган.  

Мурожаат эгаси қонуний чора кўрган ДХХ ходимларига ўз миннатдорлигини билдираркан, туман прокуратураси ходимлари ҳаракатини назорат қилишга чақиради. Прокуратура ходимлари томонидан хўжакўрсин қабилидаги жавоблар атай қилинаётганини иддао қилади.

Видео

Элтузга Бухоролик Нурмуродов Маъруфжондан келиб тушган кейинги видеомурожаатда эса виртуал қабулхонага Вилоят мактабгача таълим бошқармаси рахбарияти устидан ёзилган ариза ҳақида гап боради. Бу аризани кўриб чиқиш учун аввалига мутлақо бошқа вазирлик идораси “Камбағалликни қисқартириш ва бандликка кўмаклашиш” туман бўлимига йўллашган:

Бу ҳолатдан мутлақо норози бўлган Нурмуродов виртуал қабулхона орқали Бош прокуратурага нотўғри жавоб хатини илова қилиб ариза билан қайта мурожаат қилади. Бу гал аризани кўриб чиқиш масаласи Шофиркон туман прокуратура бўлимига юклатилади. 

Бу ариза камида вилоят прокуратураси мақомида ўрганилиши лозим эди дея ҳисоблайди Нурмуродов. Чунки унинг таъкидлашича, Вилоят мактабгача таълим бошқармаси рахбарияти устидан ёзилган ариза прокуратуранинг қайсидир туман бўлимига юкланмаслиги керак. 

Бунинг устига Шофиркон туман прокуратурасининг жавоб хати ҳам жуда антиқа бўлган. Чунки унда шикоятда номи келтирилган амалдор ўрнига мутлақо бошқа шахс ҳақида гап борган. “Туман прокуратураси ходимининг мактубимни ўқиганига шубҳа қиламан”, дейди Нурмуродов.

“Ҳар бир мурожаат ортида инсон ва унинг тақдири туради. Буни чуқур англамаган ва фуқароларнинг мурожаатларига беписанд ёндошган ходимнинг прокуратура тизимида ишлашга маънавий ҳаққи борми? Ўйлашимча, олий юридик маълумотга эга бўлган ва мамлакатда  қонунларнинг аниқ ва бир ҳилда амал қилинишини таъминлаши керак бўлган прокуратура ходимининг бундай қўпол хатога йўл қўйиши кечирилмас холат деб ҳисоблайман” дейди прокуратурадан чалкаш жавоб олган шофирконлик аризагўй.

Элтуз уйдаги гапни кўчага олиб чиқади. Видеоларимизга лайк босинг, каналимизга обуна бўлинг.

Тағин ўқинг
5 апрел 2019
Жорий йилнинг 8 февралида ишдан олиниб, устидан жиноят иши очилган ДХХ собиқ раиси Ихтиëр Абдуллаев 4 апрель куни уй ...
30 апрел 2019
Президентнинг тўнғич қизи Саида Мирзиёева 15 апрель куни Ахборот ва оммавий коммуникация агентлиги раҳбари ўринбосари этиб тайинлангани ортидан матбуотда ...
28 декабр 2023
Сизга айтмоқчи бўлганим воқеани «Оталар сўзи ақлнинг кўзи» деган  ТВ форматда ҳикоя қилсам. Тасаввур қилинг, бир кўзойнак кийган марғилон ...
12 сентябр 2019
Ўзининг “Америка касаллиги” билан оғриганини тан олган амалдор халқни кўп гўшт еб қўяётганликда, бунинг натижасида гўшт нархи кўтарилиб кетаётганликда ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...