Асосий мавзулар
3 декабр 2023

ДХХ «Сaйдаз Медгородок»ни «Крышевать» қилган ИИБ ходимларини ушлади

Давлат Хавфсизлик Хизмати ходимлари Тошкент шаҳар ИИВ уюшган жиноятчиликка қарши курашиш бўлими ходимларини ҳибсга олганлар.

Элтуз инсайдерига кўра, 1 декабрь куни ДХХ амалиётида Тошкент шаҳар ИИВ уюшган жиноятчиликка қарши курашиш бўлимининг бошлиғи ва унинг  уч нафар ходими ушланган.

Тахминларга кўра, ички ишлар ходимлари “Сайдаз медгородок” лақабли криминал авторитет Саидазиз Саидалиевни “крышевать” қилганликда гумонланмоқда. 

Тошкент ИИББ ахборот хизматининг маълум қилишича, Тошкент шаҳар ИИББ ҳузуридаги Тергов бошқармаси томонидан Жиноят кодексининг 165-моддаси (товламачилик) билан билан қўзғатилган жиноят иши тергов қилинмоқда.

Мазкур жиноят иши бўйича ўтказилган тергов-тезкор ҳаракатлари доирасида бир қатор жиноий ҳолатлар аниқланган.

Жиноят иши доирасида гумон қилинувчи Саидазиз Саидалиев ва бошқа бир нечта шахсларга нисбатан қамоққа олиш тарзидаги эҳтиёт чораси қўлланган.

Феврал ойида Элтузга бир-биридан мустақил манбалар халқ орасида “Салимбойвачча” деб танилган Салим Абдувалиев собиқ боксчи Саидазиз Саидалиевни Тошкент шаҳрига смотряший қилиб қўйишга уринаётгани ҳақида хабар берган эди.

Ўшанда Элтуз манбаларига кўра, 73-яшар Салим Абдувалиев Ўзбекистондаги ягона “вор в законе” Бахти Ташкенскийга мурожаат қилиб, Саидазиз Саидалиевнинг Тошкентга смотряший қилишга “добро” беришни сўраган.

Бироқ, Бахти Ташкентский жиноят оламида яхши номга эга бўлмаган Саидазиз Саидалиевга бундай вазифани ишониб топшира олмаслигини айтган.

“Сайдаз Медгородок” беш йил муқаддам ҳозирда марҳум ММА жангчиси Мурод Хонтўраевни пичоқлаб жароҳат етказганлар ташкилотчиси сифатида танилган.

2018 йил 26 ноябрда Тошкент савдо маркази яқинида бир гуруҳ шахслар Мурод Хонтўраевга ҳужум қилиб сонидан икки марта пичоқлаган эдилар.

Элтуз манбалари икки спортчи ўртасида Тошкентда таъсир кучини кучайтириш учун қонли рақобат бўлганини айтишади.

Мазкур ҳодисадан бир неча ой ўтиб бир қанча шахслар жавобгарликка тортилган эса-да, Саидазиз Саидалиев жазодан  қутулиб қолган эди.

Элтуз инсайдерларига кўра, “Сайдаз медгородок” Мурод Хонтўраевга ҳужумни Париждан туриб бошқарган.

Мурод Хонтўраев мазкур ҳужумдан омон қолди, аммо орадан уч йил ўтиб автоаварияда ҳалок бўлди.

Ушбу ҳодиса Саидазиз Саидалиев обрўсига путур етказди.

Орадан беш йил ўтиб лойқа сувлар тиниқлашмоқда – бу гал Саидазиз Саидалиевнинг қамоқдан қутулиб қолиши даргумон, дейди Элтуз манбалари.

Элтуз жиноят оламига алоқадор шахсларнинг қамоққа олиниши билан боғлиқ воқеаларни ёритишда давом этади. Каналимизга обуна бўлинг, видеоларимизга лайк босинг.

Тағин ўқинг
18 август 2023
Дўст билан обод уйинг гар бўлса ул вайрона ҳам! МС: Исоп дуз оға. Ничиксизла мўччи апика, хўжик бррило. Ëнгқи ишлар бўлиб ...
13 июн 2024
Элтуз Порталига келган навбатдаги бешта мактуб Ўзбекистоннинг Сурхондарё, Қашқадарё, Фарғона, Навоий ва Наманган вилоятларидан. Дастлабки мактуб Сурхондарё вилоятининг Денов ...
8 март 2021
(Муҳаммад Солиҳ аудиокитобининг давоми) Бизнинг миллиятчи мафкурамиз комммунистик мафкурага енгилди. Сабаб объектив эди. 70-йиллар ўзбек жамиятида – бир-неча киши ...
25 октябр 2015
Ҳалокат Анвар ўтирган Матиз машинаси пахта ортилган трактор прицепи билан тўқнашуви натижасида содир бўлган. Ҳозирда машина ҳайдовчиси оғир аҳволда ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...