Асосий мавзулар
19 апрел 2022

ИИБ сиëсий фаол Аъзам Турғунов уйини тинтув қилмоқчи бўлди

Ўзбекистонлик ҳуқуқ фаоли  69 яшар Аъзам Турғуновнинг уйига 19 апрел куни эрталаб 9.00 лар атрофида тинтув ўтказиш қарори билан тўрт нафар ИИБ ходимлари ва участка нозири тинтув қилиш мақсадида келган. 

Турғуновнинг Элтузга билдиришича, то у етиб келмагунча уйидагилар ИИБ ходимларини уйга киритишмаган. 

“Бу пайтда мен янги инсон ҳуқуқлари ташкилотини рўйҳатдан ўтказиш учун ҳуқуқшунос олдига кетаётган эдим. Телефон бўлди. Шошилинч уйга қайтишга мажбур бўлдим. Қарасам ҳақиқатан ҳам эшик тагида, таниш подполковник Миразиз деган йигит, яна фуқаролик формасидаги уч тўртта йигит туришибди. “Тинчликми?” десам ”Мана шундай жиноий иш очилган” дея тушунтира бошлашди. Аниқ қарор, муҳрлари, Ж.Каримов деган терговчининг имзоси бор. Лекин менга ундан нусха беришмади” дея билдирди Турғунов воқеа юзасидан Элтуз мухбирига берган интервюсида.

Аъзам Турғуновга кўра, унга кўрсатилган тинтув қарорида унинг ўғли 35 яшар Лазиз Турғунов исми шарифи кўрсатилган. Шунингдек, қарорда ёзилишича, ҳужжат қайсидир фуқаро Эркинов Муҳаммадаминга қарши Жиноят кодексининг 244-2 моддаси бўйича очилган жиноий иш юзасидан расмийлаштирилган.

Турғунов, ўғлининг бу шахсга нима алоқаси борлиги, нима асосда тинтув қарори чиқарилгани тушунтиришларини талаб қила бошлайди.

“Шундай деб турганимизда, четда турганлардан биттаси югуриб келдида, мени четга тортиб. “Узр. Нариёғдан бизга телефон қилишди. Шунга, деди узр. Анақа қилдик деди. Ҳуллас тинтув бошланай, деб турганида тўхтатилди” дейди Турғунов.

У қарордан нусха беришларини сўраган. Қандай тушунмовчилик бўлиши мумкин. Қарорда унинг уй манзили, ўғлининг исми шарифи тўғри кўрсатилган. Бироқ унга ҳужжат нусхасини беришмаган. 

“Бу гапларнинг энди аҳамияти йўқ. У ёқдан “отбой” қилишди деб, кетворишди” дейди Турғунов. 

Ҳуқуқ фаолининг тағин билдиришича, ўғли орқали унга босимлар янгиланиши мумкин. Бу бежиз эмас. Чунки унинг ўғли Лазиз Турғунов, у ташкил қилаётган “Инсон ҳуқуқи фаоллари уйи” таъсисчилари қаторида ҳам фаолият юритмоқда. 

“Асли кўп ишларни ўғилларим билан бирга бошлаганмиз. Бир неча бор улар қўшни давлатлардаги семинарларга бориб келишди. Кейинги пайтларда ишларим анча юришгандай эди. Бундан аввал Махсус маърузачи билан учрашдим. Сиёсий маҳкумларнинг оқланиши, реабилитацияси юзасидан анча ишлар қилинди. Ўзи шунақа бўлади одатда. Сал ишинг юриша бошласа, бу ёқдан қитмирликлар ҳам бошланади” 

Турғуновнинг Элтузга тағин билдиришича, апрелнинг дастлабки кунларида, айни подполковник унга тез тез телефон қилган. Қаердалигини билмоқчи бўлган. Бирор ёқларга чиқиб кетиб қолмаслигини сўраган.

Қамоқларда тобланган фаол

Шу кунларда яна ўзбек кучишлатар тизимлари диққат эътиборида қолаëтган Аъзам Турғунов   дунëга танилган сиëсий фаолдир. 2019 йилда қароргоҳи Прагада жойлашган People in Need (“Муҳтож одамлар”) халқаро инсон ҳуқуқлари ташкилоти Аъзам Турғуновни “Адолатсизлик ҳикояси” халқаро мукофотига лойиқ деб топган эди. 

 «Адолатсизлик ҳикояси» мукофоти «тоталитар режим томонидан таъқиб этилган шахсларга» бериб келинади.

Аъзам Турғунов президент Ислом Каримов даврида касбий фаолияти учун қамалиб диктатор  ўлгандан сўнггина озод этилган таниқли сиëсий арбоблардан  биридир.

Eltuz.com

Тағин ўқинг
24 март 2016
Халқ (тўғрироғи, халққа масъуллар) бутун хаёли байрам билан бўлиб, ғам-ташвишини унутди гўё. «Ҳуррият» газетаси ҳам шу шодиёнларга қанот бағишлаш ...
27 феврал 2024
Ўзбекистонда кейинги кунларда мансабидан фойдаланиб товламачилик қилиш, таъмагирлик, рейдерлик, одамларни алдаб пулини олиб қайтармаслик, қўрқитиб жиноятларига шерик қилиш холатлари ...
25 апрел 2018
Каримов даврида шаҳар чеккасига чиқариб ташланган Шомаҳмудовлар ҳайкали яна эски жойига қайтарилмоқда. Ҳайкаллар 9 май куни «Истиқлол» (собиқ «Халқлар ...
16 апрел 2024
Элтуз порталига келган cўнгги 5 та мактуб Ўзбекистоннинг Бухоро, Тошкент, Хоразм ва Россиянинг Москва шаҳридан келган. Хатлар келишда этмоқда, муаммолар ечимини тўлиқ таъминлаш учун Элтуз каналига обуна ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...