Асосий мавзулар
28 январ 2024

Миллий гвардиядаги контрабандачи жазоланмай қолди

Миллий Гвардиячининг наркотик савдоси билан шуғулланишини тасаввур қила оласизми? Ўзбекистонда бўлиши мумкин, дейишингиз мумкин. Лекин, бангивор моддалар тужжори ёки ташувчиси қўлга тушиб қолсачи. У жазога тортилиши муқаррар деб ўйлайсизми? Жавобингиз ҳа ёки йўқ бўлиши мумкин. 

Аммо, келинг, аввал барчасини бир чеккадан айтиб берсам, хулосани эса кейин ўзингиз чиқараверасиз.

Элтуз телеграм канали таҳририятига 29 январь куни келиб тушган аноним хат эгаси наркотиклар савдоси билан шуғулланганмиллий гвардиячининг жазодан қутулиб қолганига алоҳида эътибор қаратган.  

У ўз сўзлари исботи сифатида расмий билдирги, наркотиклар ва миллий гвардиячи суратлари ҳамда миллий гвардиячинингҳужжатини тақдим этган

Воқеа эса бундай бўлган:

2024 йилнинг 9 январи. Соат тунги 22 дан ошган. Бектемир Тумани йўл патрул хизмати инспекторлари Тошкент вилоятидан Бектемир йўл патрул хизмати маскани орқали Тошкент шаҳрига ҳаракатланиб келаётган оқ рангли Спарк автомобилини тўхтатишади. 

Нозирлар назарида шубҳали кўринган ушбу автомобил салони ва йўловчилар кўздан кечирилади.

Текширув пайтида орқа ўриндиқда қора рангли чарм барсетка ичидан қора политилен пакетга ўралган 3 регапен пачкаси, 34 дона капсула ва тўрт дона тропикамид суюқлиги билан флакон идиши ҳамда қизил политилен пакетда оқ-кўк рангли 209 дона капсула борлиги аниқланади. 

Бу дориларнинг кимники эканлиги ҳайдовчи ва йўловчилардан сўралганида уларнинг Бектемир тумани Намуна МФЙда яшовчи 27 яшар Жасурбек Авазовга тегишли экани аниқланади.

Ҳолат юзасидан ҳужжатлар расмийлаштирилиб, Бектемир тумани ички ишлар фаолиятини мувофиқлаштириш бошқармаси бошлиғи подполковник Назаровга йўлланади. 

Айтиб ўтиш жоиз, бугунги кунда Тошкент шаҳрида энг оммабоп “дорихона наркотиклари ” асосан уч хил – Антиэпилептик препарат, прегабалин, Лирика ва Регапен брендлари остида сотилади. Улар наркоманлар сотиб олиши қулай ва арзон таблеткалардир.  

Аснода Жасурбек Авазовнинг Миллий Гвардияда сафдор ходим экани аниқланади. 

Жасурбек Авазов қўлга олинди деб ўйлаган бўлсангиз, хато қиласиз. 

Уни Миллий Гвардиянинг Тошкент шаҳри бўйича бошқармаси раҳбарияти умуман овоза қилмай ишдан бўшатишади.

Ва иш очилмай, ёпилади. 

Нега? – деб сўрашингиз мумкин, жавоби оддий: Агар миллий гвардиячининг психотроп моддалар билан савдо қилиши ошкор бўлса, Миллий Гвардиячи билан бир қаторда унинг раҳбарлари ҳам, раҳбарларининг раҳбарлари ҳам жазога тортилади. Бундай шармандалик эса  Миллий Гвардия раҳбариятига умуман керак эмас.

“Ушбу фотосурутдаги ходим наркотик билан кўлга олинди, лекин қўриқлаш бошқармаси раҳбарлари ва кадр бошлиқлари ўзининг креслосидан кўрқиб, унинг жиноятини яшириб,  катта раҳбар ва қўмондонларга маълум килмасдан, ишдан бушатворишди,” дейди Элтузга бу ҳақда маълум қилган шахс.

Миллий Гвардиядан асоссиз ҳайдалганини қўшимча қилган ушбу манба Миллий Гвардиянинг Тошкент шаҳри бўйича бошқармаси раҳбариятини коррупцияда ҳам айблаб чиққан.

“Сержантликка ўқиш учун кадрга одам топиб,  50 АҚШ доллари беришинг керак, сержант рутбасини олишинг учун эса 100 доллар беришинг керак,” дейди у. 

“Мана 4 кундан буён тоифа бериш учун имтиҳонлар олинмоқда. Мен билан ишлаган ходимларнинг билдиришича, барча туманлар комбатлари тоифангни ҳал қиламан деб, ходимлардан пул йиғишга ўтяпти. Учтепа комбати майор Ойбек Пардаев 2 кун олдин Учтепа гвардиясида ишловчи 100 дан ортиқ ходимлардан тоифа учун 400 ва 500 минг сўмдан пул йиғиб, Инспекциянинг қўлига тушди,” дейди Элтузга мактуб йўллаган собиқ Миллий Гвардиячи. 

Элтузда унинг бу даъволарини мустақил манбалар орқали текшириш имкони йўқ. Элтуз – эл оғзига элак тутма.

Тағин ўқинг
10 январ 2019
Бекободлик нашаванднинг «қийналиб етиштирган наша ўсимлиги»ни ИИБ ходимлари олиб қўйишгани ҳақидаги президент қабулхонасига 2019 йил 5 январда жўнатилган шикояти ...
28 январ 2019
26 январь куни Янгиобод турбазаси раҳбари Али Тўхтаевга Вазирлар Маҳкамаси 2019 йил 23 январда чиқарган 42-қарор асосида Тошкент вилояти ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар борасида кўпчилик норозилигига сабаб ...
13 январ 2016
Арман омбудсмани К. Андреасян Ўзбекистон Республикаси Олий Мажлиси Омбудсмани Улуғбек Муҳаммадиевга Ўзбекистонда ИШИДга алоқадорликда айбланаётган армани миллатига мансуб судланувчи ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...