Паралимпия қўмитаси давлат пулини ўмармоқда

2016 йили Риода, 2020 йил Токиода бўлиб ўтган Паралимпия ўйинлари ғолиби Нозимахон Каюмова Халқаро Паралимпия қўмитаси томонидан дисфилификация қилинди.

Чунки у 2016 йил Дубайда бўлган Халқаро Гран прида доктордан ўта олмаган. Кейин Тошкентда паспорти Нозима Қаюмовадан Нозимахон Каюмовага ўзгартирилиб, бош мураббий (Сардор Aбдуҳаликов бошчилигида) Хитойда бўлган Гран прида шифокор кўригидан ўтиб кетган. 2016 йил Паралимпия ўйинлари ғолиби бўлган. 2021 йил классификаторлар Тошкенга чақиртирилиб, ҳамма сохта спортчилар қатори Нозима ҳам шифокордан ўтган. Кейин эса Токио Паралимпиадаси ғолибига айланган.

Энди эса Миллий Паралимпия қўмитаси обрўсини йўқотмаслик мақсадида Нозимахон Каюмова ҳомиладор, у спортни ташлади деб ҳаммага маълум қиляпти. Мураббийи ҳар доимгидек ўша Сардор Aбдуҳаликов. Исми сир қолишини истаган мулозимлардан бири бош мураббий С.Aбдуҳаликов Миллий Паралимпия қўмитаси раиси Мухторхон Тошходжаев ўрнига давогарлик қилаётган бўлиши, шунинг учун у ҳамма сирларни ошкор этиб, раис ишдан кетса, ўрнига ўтиришни режалаштирган бўлиши мумкин, дея айтди.

Тез орада ИПC Халқаро паралимпия қўмитасида бу сохта спортчи ва унинг мураббийи ҳақида мақола чиқаради. Паралимпия қўмитаси 2019 йил давлатнинг 200 минг доллар пулини ўмарган Сардор Aбдуҳаликовга ҳеч нарса қила олмаган. Чунки у ишни собиқ раис Умид Aҳмаджановга тўнкаб вазиятдан силлиқ чиқиб кетди. Спортчига 2 та олимпиадада машина, уй, ҳар бир медаль учун 200 минг АҚШ доллари, мураббийи учун 40 минг АҚШ доллари берилган. Бундан ташқари, ўқув машғулотларига яхшигина ойлик ёзилган. Маълумот ўринда айтиб ўтиш жоиз, олтин медал учун спортчилар ҳар ой 15-20 миллион ойлик олишади. Давлатни бесабаб кетган маблағларига жавоб беришдан қочиб уни бошқа бир оддийроқ мураббийга юкламоқчи. Тез бир чора кўрилмаса, давлатнинг пуллари мана шундай ўмарилаверади.