17 апрель – Пол Маккартни ўзининг илк соло альбомини чиқарди

1970 йилнинг бошида «Битлз»ни тарк этганидан сўнг Пол Маккартни (McCartney) ўзининг илк яккахон альбомини чиқарди.

Бу вақтга келиб «Битлз» тарқаб бўлган, унинг мухлислари ва санъат танқидчилари Пол Маккартнининг якка ижросини бироз совуқ ҳам қарши олган эди.

Шунга қарамай, «Битлз»нинг энг моҳир бас гитарачиси Пол Маккартнига бу альбом охир-оқибат шуҳрат олиб келди, уни Billboard 200 шоҳсупасига кўтарди. Тез орада у «олтин альбом» мақомини олди.

Айни альбомга кирган “Севикли Линда” қўшиғи

Альбомга «The Lovely Linda», «That Would Be Something», «Valentine Day», «Every Night», «Hot as Sun/Glasses», «Junk», «Man We Was Lonely», «Oo You», «Momma Miss America», «Teddy Boy», «Singalong Junk», «Maybe I’m Amazed», «Kreen-Akrore» қўшиқлари кирган.

Қўшиқ матнларини Пол Маккартнининг ўзи ёзган ва куйни ҳам муаллифнинг ўзи басталаган.

Пол – «Битлз» гуруҳидаги энг зиддиятли, экстраординар феъл-атворга эга шахслардан бири.

Бу унинг даъфатан «Битлз»ни тарк этиши, шерикларига қарши маҳкама даъвоси билан чиқиши, гиёҳвандликка ружу қўйиши, ўлди деган гап тарқалганидан кейин яна ёрқин қўшиқлар билан саҳнада пайдо бўлишида кўринади.

Бироқ бу сифатлар унинг қўшиқлари жозибасини заррача сўндирмади.

Eltuz.com