«Қишлоқ ҳаёти»да пахтага ўрин йўқ

Бугун қишлоқда энг муҳим иш пахта йиғим-терими бўлиб турибди. Ҳокимият вакиллари пахта бу сиёсат эканини айтиб, ўқитувчи ва шифокорларни, талабаларни, ҳатто ҳомиладор ва ёш болали аёлларни ҳам далага қувган.

Энг эътиборлиси, ўз номи билан қишлоқлардаги, қишлоқ хўжалигидаги энг долзарб мавзуларни ёритадиган «Қишлоқ ҳаёти» газетасида (24.09) пахта тўғрисида бир оғиз гапни учратмайсиз.

Аммо унда сайловга оид бир аҳамиятли маълумот бор. ЎзАдан кўчириб босилган ушбу мақолада айтилишича, президент сайловини ўтказувчи округ сайлов комиссиялари аъзоларининг 56,6 фоизи «аввалги сайловларда тажриба тўплаган, жамиятимизнинг обрўли вакилларидир».

Демократик дунё Ўзбекистонда аввал ўтказилган сайловнинг бирортаси ҳам ҳалол, ошкора курашлар остида ўтмаганини билдириб келади.

Демак, бўлажак президент сайлови ҳам яна ўша ноҳалол, нодемократик сайловларни ташкил этган лаббайчилар назоратида ўтадими?

Eltuz.com