Cатира
18 декабр 2018

Р.Т.дан тилак: Омад сизга ёр бўлсин!

Сизга омад тилайман, азизим. Оддийгина омад.

Кўчада кетяпсиз, сизни мошина босиб кетмади. Тасодифан ўрмонда мурдани кўриб қолиб полицияга хабар берганингизда сизни қотил деб қамаб қўйишмади. Сиз кеч қолган поезд ағдарилди. Кема чўкди. Учоқ портлади. Сиз омадли бўлганингиз учун тириксиз. СПИДга чалинмадингиз. Чернобилда нурланмадингиз. Сизни кимдир алдаб Сурияга жиҳодга ҳам юбормади. Сиз омадли жентельменсиз.

Ишонмасангиз, балкондан пастга қаранг, автомобилингиз ғилдирагини ҳали ўмаришмади. Сизга омад ëр бўлсин. Худди Австралиядаги Билл Морган каби. Билл Морган реанимация каравотида 14 минут ўлик ҳолатда ëтди. Уни ўлди деб дафтарга қайд қилишди. Аммо у кўзини очди. Қон босими нормаллашди. Юрак уриши ҳам жойига келди. Ҳатто бу омадли жентельмен кўзини очаркан, ўзида ошиғич сексуал иштаҳани ҳам ҳис қилиб, хамшираларга суқланди.

Билл Морган ўзининг тирилиши шарафига касалхона дўкончасидан бир шиша пиво ва оний лотерея билети сотиб олди. Лотерея билетини пиво қопқоғи билан қириб кўрганида нархи 27000 доллар турадиган машина чиқди. Мана буни омад деса бўлади. Буни эшитган Австралия ТВси Билл Морган ҳақида репортаж тайëрлади. Морганни видеога олаëтган камерачи айни дўкончадан яна бир лотерея сотиб олишни сўради. Камера қаршисида Морган яна бир лотерея сотиб олиб, устини қиртишлади. Бу сафар Морган 250 минг доллар ютган эди. Жонли эфирда буни томоша қилган Австралия аҳолиси Морган қувончига шерик бўлди.

Омад сизга ҳам ëр бўлсин, азизим. Ҳеч бўлмаганда тахтакўпирлик қоровул каби.

P.S: Тахтакўпирда қоровул бўлиб ишлайдиган йигит сариëғ пачкаси ичидан 100 миллион сўмлик ютуқ топгани ҳақида хабар тарқалган эди. 

Рассом Туз
Eltuz.com

Тағин ўқинг
5 сентябр 2019
Мустақиллик байрами нишонланган 1 сентябрь кечаси, Тошкент расмийларига кўра, шаҳар кўчаларига ўрнатилган байроқлардан 2000 тадан ортиғи ўғирланган. Етказилган зарар ...
30 сентябр 2019
Тошкентнинг “Малика” маиший техника бозорида соқоллиларнинг қиртишланишидан кишти келган Фарғона вилояти ҳокими Шуҳрат Ғаниев соқол ва ҳижобга қарши “уруш” ...
7 апрел 2020
Таниқли ҳофиз Рустам Ҳожимамедов Самарқандий 6 апрель куни АҚШнинг Нью-Йорк шаҳрида коронавирусдан ўлгани ҳақида яқинлари маълум қилди. «Қурбон ўлам» ...
1 апрел 2024
«Меъморлар кераксиз деб улоқтирган тош сарой пештоқидан ўрин олди». Бу гап бир вақтлар Урганчда яшаб ўтган рассом Сапo Дўсчон ижоди ...
Блоглар
22 ноябр 2024
Қудратлар айрилган тузум, яъни демократия автократиядан яхшидир. Бу гапни айтавериб тилим қаварди. Демократик жамият бўлган ...
28 октябр 2024
(Элтузга телеграм орқали келган мактуб) “Хоразм вилояти Урганч туманлараро суд раиси Ё.А.Алмосов жаноби олийларининг бугунги ...
24 октябр 2024
Бир одам ҳаммага яхшилик қилишга сўз берибди. Қўшниси келиб уни отини сўраб олиб миниб кетганича ...