Асосий мавзулар
12 июл 2016

“Тахтапул” одамларни қийнаворди

Пенсионерларнинг пенсия пули уларнинг розилиги олинмасдан 100 фоиз пластик карточкага ўтказиб қўйилганлиги кексаларга қийинчилик туғдирмоқда.

Улар зарур эҳтиёжларини қондириш учун пластикдаги маблағни нақд пулга айлантириш учун эрта тонгда банклар эшиги олдида тўпланмоқдалар.

«Аввал пенсиямизни 30 фоизини пластикка ўтказишди, – деди банк олдида навбатда турган отахонлардан бири, – кейин эса 50 фоиз нақд пул оладиган бўлдик».

Янги 2016 йилнинг бошидан эса пенсиямизнинг ҳаммаси “тахтапул”га айланди.

«Ҳар ойда банкка келиб 30-50 минг сўмгача ечтириб кетаяпмиз. Ахир бирор жойга борадиган бўлсак йўл кирога нақд пул беришимиз керак, бозордаги мева-сабзавотларни ҳам пластикка ололмаймиз, сартарошлар ҳам нақд пулга хизмат қилади. Туманимиздаги бирорта сартарошхонада терминал ўрнатилмаган. Автобус ва “Дамас”ларда ҳам терминал йўқ. Шунинг учун бамдод намозидан сўнг келиб навбат оламиз» – дейди водийлик жабрдийдалардан бири.

Пластикдаги маблағни нақд пулга айлантириш учун пенсионерлардан ташқари ногирон турмуш ўртоғига, фарзандига қараётган аёллар ҳам навбатда туришибди.

Уларнинг ҳам дарди шу. Ногирон яқинини дўхтирга олиб бориш, уларга баъзи дори-дармонларни нақд пулда сотиб олиш, кундалик эҳтиёжлари учун зарур бўлган нарсаларни кўп қисмини бозордан сотиб олиш учун нақд пул зарур.

Фарғона вилоятида ҳатто ногиронлар учун бериладиган нафақалар ҳам 100 фоиз пластик карточкага туширилади.

Суратда: Фарғона вилояти туманларининг биридаги “АГРО”банк биноси олдидаги нақд пул олиш истагидаги одамлар.

Насима Даврон қизи
Eltuz.com

Тағин ўқинг
15 феврал 2017
«Жамият» газетаси (10.02) нодавлат нотижорат ташкилотлар фаолиятининг «сирли қирралари» ҳақида мақола эълон қилди. Унда ёзилишича, «дунёда ўз манфаатини бошқаларникидан ...
16 октябр 2015
Қудрат Бобожон Eltuz.com Мамлакат қонуни, оддий водопровод жўмраги, ёки халқ қўлидаги шиор бўлсин, ҳаммаси ўзгаришга муҳтож. Аксинча уларни моғор ...
21 апрел 2021
Ўзбекистонда Рассомлар куни муносабати билан бугун – 21 апрель санасида рассом Элсевар дўстлик ҳазили сифатида ҳамкасби рассом Туз расмини ...
16 декабр 2019
«Ваъдабоз депутатларни сайлаб чарчадингизми, унда «Қўлдан келганча» партиясига овоз беринг». Телеграм ва ютуб тармоғида 2019 йилги сайлов кампанияси ҳажв ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...