Асосий мавзулар
27 октябр 2016

Рақамсиз бюджетлар муҳокамаси

“Миллий тикланиш” газетаси (26.10) шу номдаги партиянинг парламентдаги фракцияси йиғилишида 2017 йилга мўлжалланган бюджетнома – давлат бюджети, давлат мақсадли жамғармалари бюджетлари лойиҳалари, солиқ ва бюджет сиёсатининг асосий йўналишлари кўриб чиқилганини билдирди.

Эътиборлиси шундаки, бу ҳақдаги каттагина ҳажмли мақоладан бюджетга оид бирорта суммани топа олмайсиз. Унда фақат қуруқ фоизлар келтирилган.

“Кейинги йил учун … ЯИМнинг 7,8 фоизга, саноат маҳсулотлари ишлаб чиқариш 6,9, қишлоқ хўжалиги 6,2, капитал қўйилмалар ҳажми 9,6 фоизга ўсиши асос қилиб олинган”, дейилади мақолада.

Шунингдек, давлат бюджети лойиҳасида ижтимоий харажатларни молиялаштиришга қарийб 60 фоиз маблағ ажратилиши кўзда тутилаётгани унинг ижтимоий йўналтирилганидан далолат экани таъкидланади.

Энг муҳими, бу фоизларнинг ҳеч биридан бюджет лойиҳасида айнан қайси соҳага қанча миқдордаги маблағ ажратилиши назарда тутилганини билиш имконсиз.

Аслида давлат бюджетининг суммалари кўп йиллардан бери халқдан сир тутиб келинади. Миллий хавфсизлик, мудофаа, ички ишлар соҳаларига ажратиладиган маблағ миқдори эса етти парда ортида махфий сақланаётганини айтмаса ҳам бўлади.

Кўриниб турибдики, бечора депутатлар ўзлари билмаган нарсаларни муҳокама қилиш билан овора. Нима қилсин, ахир улар ҳам ўзларини ишлаётгандек кўрсатиши керак-да!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
18 ноябр 2016
Бугунги кунда Ўзбекистонда на президентликка номзодлар, на уларни қўллаётган партияларнинг ҳукуматга ёки бир-бирига сиёсий мухолиф эмаслигини кузатиш мумкин. Президент ...
29 сентябр 2020
Исми ва иш жойи “Элтуз”га маълум эксперт йўллаган мактубда Ўзбекистон маданиятига ва тарихига оид обидаларнинг сақланиши юзасидан айнан шундай ...
6 март 2018
Журналист Бобомурод Абдуллаев судининг 7 мартга қолдирилиши сабаби ҳақида ижтимоий тармоқда турли фикрлар билдирилмоқда. “Суднинг қолдирилганига иккита сабаб бўлиши ...
24 октябр 2017
Ижтимоий тармоқлар интернет орқали ахборот етказишнинг энг қулай ва тезкор воситасига айланди. Айрим блогерлар ижтимоий тармоқларда баъзан шу қадар ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...