Асосий мавзулар
17 ноябр 2016

«Журналистнинг таянч нуқтаси»ни ҳукумат марҳаматидан излаш керакми?

«Ҳуррият» газетасида (16.11) «Талаба-журналистга мактублар» рукнида чоп этилган мақолада муаллиф бўлажак ҳамкасбларига «Журналистнинг таянч нуқтаси»ни топиб беришга уринади.

У дастлаб мустақиллик йилларидаги ўзбек журналистикасига мурожаат этади. Ўша пайтда «бир нашр журналистика ҳукуматга оппозицияда бўлиши керак, дея ўз фаолиятини шу ғояга мослаган»и, биров халқаро журналистика принципларига таянишини билдирса, «ўзини чин демократ-журналист ҳисоблайдиган бошқа бир ҳамкасби «Халқ манфаати – менинг журналистик позициямни белгилайди», деб айтганини эслайди.

«Уларнинг ҳар бири ўзича ҳақ», дея хулоса қилади муаллиф. Сўнг у дунё журналистикаси ҳақида мулоҳаза билдиришга ўтиб, АҚШ журналистлари ўзларини юртнинг «содиқ итлари» деб ҳисоблашини таъкидлайди.

«Американинг миллий манфаати деган ғоя улардаги барча қадриятларнинг асосида турадигандек, назаримда», дейди муаллиф ва нима учун Ўзбекистоннинг ўз миллий манфаатлари бўлмаслиги керак, деган саволни ўртага ташлайди.

Гапни чўзиб ўтирмай, дарҳол айта қоламиз: мақолада «Миллий манфаат ҳукумат манфаати билан айни бир хилми?», «Нега бугунги ўзбек журналистикаси фақат ура-ураю мадҳиябозликдан нарига ўта олмаяпти?» каби саволларга жавоб йўқ.

Бу саволларга жавоб бериш ўрнига муаллиф «Миллий истиқлол ғояси» фани атрофида бироз айланади ва марҳум президент Ислом Каримовнинг журналистларга байрам табригидаги панд-насиҳат сўзларни келтиради.

Халқаро майдонда И.Каримов ҳар доим «матбуот душмани» сифатида кўрилгани, Ўзбекистон эса матбуоти энг жиловланган мамлакатлардан бири ўлароқ тилга олиб келиниши ҳам уни мана шу шахснинг фақат қоғозда қолиб кетган сўзларига мурожаат этишдан қайтара олмаган.

Мақоладаги фикрлар муаллиф бўлажак ҳамкасбларига ҳақиқий журналистика қандай бўлишини ўргатишни эмас, балки уларга «журналистиканинг таянч нуқтасини ҳукуматнинг марҳаматидан излаш керак», деган ғояни сингдиришни мақсад қилгандек таассурот қолдиради.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
7 ноябр 2018
Яқинда Жаҳон банки томонидан эълон қилинган “Бизнес юритиш” (Doing business) рейтингида Ўзбекистон 76-ўринни эгаллади. Яъни мамлакат ўтган йилдаги ўрнидан ...
20 май 2019
Олмалиқдаги 47-манзил колониясида сақланаётган 72 ёшли полковник, Чирчиқ шаҳридаги танк заводининг собиқ раҳбари Владимир Литвиненко “Элтуз”га берган интервьюсида уни ...
10 март 2023
Германиядаги YUZUK ташкилоти таниқли ўзбек рассоми  Вячеслав Охуновни немис жамоатчилиги ва Германиядаги ўзбек дипломатларига тақдим қилди.  Вячеслав Охунов рассом, ...
4 июн 2019
Гулнора Каримованинг Европада музлатилган активлари Ўзбекистонга ҳозир қайтариладиган бўлса, улардан белгиланган тартибда фойдаланилмаслиги ёки ҳукмрон доиралар вакиллари ёхуд уларнинг ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...