Асосий мавзулар
29 декабр 2016

Ўзбекистонда Элтуздан бошқа мухолиф сайтлар бир очиб ëпилди

28 декабр куни кечқурун, Ўзбекистонда очилмаётган Фарғона.ру, Озодлик, Америка овози, Би Би Си, Ўзбекистон халқ ҳаракати каби сайтлардан тўсиқ олиб ташланди. Бироқ келаси куни бу сайтлар тағин маҳаллий провайдерлар томонидан тўсиб қўйилди.

Айни пайтда Элтуз сайти бу жараён давомида тўсилганича қолди.

«Элтуз сайтига қўйилган тўсиқнинг олинмагани эҳтимол унда акс этган аччиқ сатира билан боғлиқдир, уларни калака қилишларингиз ёқмаётгандир», деди Элтузнинг доимий мухлисларидан бири.

29 декабр куни ўзбекистонлик журналист Алексей Волосеевич: «Тамом, ҳурсандчилик тугади, ҳаммасини тағин блоклаб қўйишди», дея билдирди.

Мустақил сайтлардан тўсиқларнинг олиб ташланиши вақти-вақти билан юз бермоқда.

Гарчи тўсиқлар олиб ташланишининг ҳақиқий сабаби номаълум қолаётган бўлсада, ижтимоий гуруҳларда, бу воқеани ўзбек интернет фойдаланувчилари орасида мустақил медианинг оммавийлигини ўрганиш билан боғлиқ тадбир экани ҳақида фикрлар бор.

Ўзбек ҳукумати эса цензура остидаги сайтларнинг тўсиб қўйилганини инкор этади.

13 декабр куни Венада ўтган Европада ҳавфсизлик ва ҳамкорлик ташкилоти анжуманида Ўзбекистон парламентининг ахборот бўйича қўмитаси раиси Илҳом Абдуллаев шундай деди:

«Ўзбекистон республикасида ҳеч бир сайт тўсиб қўйилмайди. Ахборот олиш билан боғлиқ қандайдир ҳаракат ёки қарор юз берадиган бўлса, бу фақат амалдаги қонунчилик, судларнинг тегишли қарори асосида амалга ошади».

Бу иддао ҳеч бир асосга эга эмас, чунки мустақил сайтларга тўсиқ қўйиш учун ҳеч қандай судларнинг қарори йўқ.

Eltuz.com

Тағин ўқинг
21 сентябр 2019
Сумкасидан Муҳаммад Солиҳ китоблари чиққани учун устидан жиноят иши очилиб, терговга чақирилган хоразмлик 56 яшар шоир Маҳмуд Ражаб 20 ...
29 январ 2018
Тожик мухолифатининг энг таниқли вакилларидан бири, ҳозир Германияда муҳожиратда яшаётган журналист Додожон Атовуллаев президент Имомали Раҳмон билан учрашди. Бу ...
29 апрел 2019
Ўзбекистондаги «Вақф» хайрия жамоат фонди раиси Искандар Халилов хизмат машинаси сифатида миниб юрган «Малибу-2» автомобили тармоқларда баҳс уйғотди. “Вақф” ...
5 май 2021
Навоий вилоятининг Хатирчи туманилик марҳум фермер Музаффар Муҳаммадиевнинг яқинлари вилоят ва туман прокуратураларига ишончсизлик билдирмоқда.  Марҳумнинг қабри биринчи марта ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...