Асосий мавзулар
31 январ 2017

ЎзЛиДеПчилар вақт кутиб турмаслигини билиб қолди

«XXI аср» газетаси (26.01) Ўзбекистон либерал демократик партияси сиёсий кенгаши ижроқўми ва парламентдаги фракциясининг кенгайтирилган қўшма йиғилиши ҳақида мақола эълон қилди.

Партия етакчиси мажлисни «муҳтарам президент тилга олган барча муаммолар ортида ҳаётий ҳақиқат ётгани» тўғрисидаги эътироф билан бошлаган.

Шундан сўнг янги президентнинг йил якунларига бағишланган йиғилишдаги маърузаси «халқимиз учун дастуриламал» эканини билдириб, уни «пухта ўрганиб чиқишни партия аъзолари ўртасида тизимли ташкил этиш лозим»лигини айтган.

ЎзЛиДеПнинг «Диплом билан бизнес»га номли лойиҳаси бор. Бу лойиҳа доирасида коллеж битирувчиларига тижорат банклари томонидан кредит ажратилади. Шу пайтгача партия мазкур лойиҳа иштирок этган фалонта битирувчига фалон миллион сўм кредит берилгани тўғрисида оғиз кўпиртириб келарди.

Энди маълум бўляптики, газетанинг ёзишича, партия берилган деб айюҳаннос солинган бу кредитлар берилган ёки берилмаганидан ҳам бехабар экан.

«Умуман олганда, уларга кредит ажратиляптими, деган ҳақли саволлар ҳали-ҳунуз очиқлигича қолмоқда», деб ёзди газета.

«Вақт энди кутиб турмайди, барчамиздан қатъиятлилик, ташаббускорлик, фидойилик талаб этиляпти», дея эълон қилинди партия мажлисида.

Қизиқ, шунча вақтгача партия вақт кутиб туради, деб ўйлаганмикин? Ёки марҳум президентнинг узоққа чўзилган ҳукмронлиги сабаб уларга вақт тўхтаб қолгандек туюлганмикин?
Партия мажлисида айтилган гаплар қоғозда қолиб кетиши ҳозирданоқ аниқ эканига ишора қилувчи жиҳатлар бор мақолада.

Жумладан, партия етакчиси аҳолининг муаммоларини ва уларни ечиш йўлларини ўрганиш ўрнига президент нутқининг ўзини ўрганишни тизимли ташкил этишга урғу бераётгани ана шундай хулосага етакловчи ишоралардан биридир.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
6 декабр 2017
Президент Мирзиёевнинг 4 декабрдаги қарорига кўра, хорижий сайёҳлар учун олдинги 7-15 кунлик қисқа виза муддати 30 кунлик қилиб белгиланди. ...
1 октябр 2018
Муҳаммад Бекжон ўз китобининг навбатдаги қисмида Косон зонасидаги 159-ларнинг алоҳида жазоланиши, «ғоз юриш» ва уни 15 сутка изоляторга ҳукм ...
31 декабр 2019
«Тезроқ бу қашшоқ маҳалладан ўтиб, бойларникига етиб олайлик!» Қорбобо ва Қорқиз истаган прокурорнинг кошонаси етти маҳалла нарида. Масала у ...
19 декабр 2018
Фуқаролик ишлари бўйича Урганч туманлараро суди судьяси Зокиржон Ибрагимов 14 декабрь куни 12 минг АҚШ долларини пора сифатида олаëтганида ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...