Асосий мавзулар
17 апрел 2017

Шолғом билан пиёз ҳақида ҳам ёзинг, биродарлар!

Сўнгги вақтларда бозорларда картошканинг нархи осмонга чиқиб кетгани ҳақида ёзиш маҳаллий матбуот учун урфга кирди.

Бири қўйиб бири ёзди бу ҳақда. Картошка тақчиллигининг сабаблари ҳам айтилди, бунинг олдини олиш учун нима қилинаётгани мавзуси ҳам чиқда қолмади.

“Оила давраси” газетаси (13.04) ҳам эл қаторидан қолмаслик учун шу мавзуда мақола чоп этиб, “Ўзбекозиқовқатзахира” уюшмаси раҳбарларидан бири билан интервью уюштирди.

Маълум бўлишича, ўтган йили республика далаларидан кутилганидан анча кам картошка ҳосили йиғиб олинган. Бу иссиқ об-ҳаво таъсири туфайли картошкага касаллик теккани ва сабзавотнинг зарарланиши билан изоҳланган.

Уюшма мутасаддиси жорий йилнинг 31 мартига қадар Ўзбекистонга хориждан 4 932 700 АҚШ долларига 14 минг 851 тонна картошка келтирилганини билдирган.

Аммо мухбир нега бу харидлар картошка нархи пасайишига таъсир қилмаётгани, бозорларда арзон картошка илинжида соатлаб навбатда туришга мажбур бўлаётган аҳолининг эҳтиёжини қопламаётгани тўғрисида сўрамаган.

Нега бозор талабини қондиришга етарли харидлар амалга оширилмагани масаласи ҳам эътибордан четда қолдирилган.

Шу ўринда картошка тақчиллиги муаммосидан президент ҳам яхшигина хабардор эканига ишора берувчи бир маълумотни айтиб ўтмоқчимиз.

Куни-кеча Самарқандга ташрифи чоғида Шавкат Мирзиёев картошка муаммосига барҳам бериш борасида чора-тадбирлар кўриш ҳақида кўрсатмалар бергани айтилди.

Картошка – ўзбекнинг иккинчи нони. Матбуот бу маҳсулот тақчиллигига эътибор қаратаётгани, унинг сабабларини излашга уринаётгани мақтовга сазовор.

Лекин бугун бозорларда ялпи қимматлашув тенденцияси кузатилаётгани масаласи ҳам матбуотга олиб чиқилса, мутасаддиларнинг масъулияти бир қадар ошармиди, деган истиҳола келади кўнгилга.

Гапимиз исботсиз бўлмаслиги учун Тошкентнинг энг арзон юрадиган Фарҳод бозорида шолғом 5000 сўм, пиёз 3500 сўмга чиқиб кетганини айтмоқчимиз.

Бу маҳсулотлар ҳам халқимизнинг қора қозони қайнаши учун керак бўладиган кундалик сабзавотлардан.

Матбуот уларнинг ҳаддан ташқари қимматлашиб кетганига эътибор қаратса, балки мутасаддилар уни ҳам арзонлаштириш йўлларини излармиди?!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
28 феврал 2018
Ўзбекистон Миллий хавфсизлик хизмати раисининг собиқ ўринбосари Шуҳрат Ғуломов буйруғига кўра, қамоқхоналарда сақланган баъзи сиёсий ва диний маҳкумларни “ликвидация ...
27 июн 2017
ҲRW ва “Ўзбекистон Германия Форуми”нинг “Биз пахта теримидан воз кеча олмаймиз” номли ҳисоботда Ўзбекистон ҳукумати 2015 ва 2016 йилларда ...
22 май 2019
Тошкент вилоятининг Қуйичирчиқ туманида фермерлик билан шуғулланаётган Ҳайдарали Исломов ери тортиб олингани боис Туркияга 100 тонна шивит (укроп) ва ...
29 октябр 2018
“Америка овози” радиосининг Истанбул шаҳрида ҳибсга олиниб судланган, Малик Мансур тахаллуси остида ишлайдиган 49 ёшли мухбири Абдумалик Бобоев 29 ...
Блоглар
26 июн 2019
Ниҳоят 23 июнь куни Истанбул шаҳри ҳокимлиги учун қайта сайлов бўлиб ўтди. Истанбул шаҳри ҳокимлиги ...
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...