Асосий мавзулар
5 сентябр 2017

Конвертация чала очилди, қора бозор эса ишлаяпти

5 сентябрдан Ўзбекистонда конвертация эълон қилиниб, АҚШ доллари эркин савдога чиқарилди.

Элтуз нашри мухбири Тошкентдаги бир қанча шохобчаларда валюта савдоси очилганини тасдиқлади. Унинг билдиришича, АҚШ доллари 8000 дан ҳарид қилиниб, 8150 сўмдан сотилмоқда.

Бироқ ўзбекистонлик таҳлилчи Анвар Назир Элтуз мухбирига ҳамма ҳам доллар сотиб олишга шошилмаётганини билдирди.

«Банклар доллар сотишга тайёр эмас. Лекин долларни сўмга алмаштиришда муаммо йўқ. Банкда доллар қиммат. Одамлар кутмоқда» деди у.

Шунингдек Анвар Назир конвертациянинг биринчи куни ҳам пойтахтда қорабозор ишлаганини тасдиқлади.

Унинг сўзларига кўра, банклардан нақд доллар ҳарид қилиш имкони яралмагунча, қорабозор ишлайверади.

Ўзбекистонлик журналист Шухрат Хуррамовнинг билдиришича, банкда унга долларни фақат конверсион картага тушириш шарти билан ҳарид қилиш мумкинлигини айтишган.

«Бу вақтинчалик чора ва 3-4 ойдан кейин банклар ҳам нақд доллар сота бошлашади» дея унга билдиришган.

Бошқа бир суҳбатдош Нодира Хидоятова эса ҳукуматнинг бу қароридан мамнун эканини билдирди.

«Мен иқтисодчимасман, бироқ конвертация, инвестиция мухитини жонлантириш, давлат ҳазинасига катта тушумнинг келиши, банклар ишининг нормал ишлаши учун биринчи навбатда керак бўладиган зарури шартдир».

«Ягона ҳадигимиз энди нарх-навонинг ошишидан», деди у Элтуз мухбирига.

Eltuz.com

Тағин ўқинг
17 декабр 2015
Бугун машҳур россиялик ҳонанда ва бастакор, Афсонавий «Аквариум» гурухи солисти Борис Гребеншиков Муҳаммад Бекжон озодлигига бағишланган http://marafon-pisem.org/2015/index.html#uz хештеги остидаги ...
27 июн 2023
Қабристонда яшаётган оила, свет, газ муаммоси ва ойлиги тўлиқ берилмаган ишчилар. Элтуз порталига келган навбатдаги бешта мактубни ўқиймиз улар ...
16 март 2016
“XXI аср” газетаси Ўзбекистон либерал-демократик партияси –ЎзЛиДеПнинг 2015 йилги бюджети ижроси ва 2016 йилги бюджетнинг асосий кўрсаткичлари тўғрисидаги ахборотни ...
14 декабр 2016
«XXI аср» газетаси (08.12) бош вазирнинг виртуал қабулхонасига келаётган мурожаатларга оид навбатдаги мақолани эълон қилди. «Мурожаатлар ҳаққоний бўлса..» сарлавҳали ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...