Асосий мавзулар
26 апрел 2018

Андижонда яна бир мактаб ўқувчиси пичоқлаб ўлдирилди

Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони бўлди.

Мактаб жойлашган маҳалла ҳудудида яшовчи шахснинг «Элтуз»га маълум қилишича, ўсмир йигитлар ўртасида келишмовчилик чиққан.

Оммавий муштлашувда пичоқ чиқарган йигитлардан бири мактабдошини жароҳатлаган.

Етказилган оғир тан жароҳатидан ўқувчи касалхонада вафот этган.

Қотиллик жиноятларига ёшларнинг ёнида пичоқ сақлаб юриши сабабми?

Вилоят ички ишлар бошқармасидан «Элтуз»га маълум бўлишича, кейинги пайтларда ўқувчи ёшлар ўртасида гуруҳ-гуруҳ бўлиб муштлашиш ҳолатлари бирмунча кўпайган. Ўсмирлар орасида пичоқ, пакки каби ўткир кесувчи буюмларни яширинча олиб юриш оммалашган.

Айни вақтда мактабларда ўқувчилар назорати кучайтирилган. Ота-оналар, маҳалла фаоллари, ўқитувчилар иштирокида йиғилишлар, давра суҳбатлари ўтказилмоқда.

Фуқароларнинг соғлиғига амалда зарар етказиши мумкин бўлган ўткир кесувчи буюмларни аниқлаш ва уларни зарарсизлантириш мақсадида “ТИҒ” тадбири ҳам ўтказиб келинаётганини билдиради профилактика инспекторларидан бири «Элтуз» мухбирига.

«Бироқ ҳозирча профилактика ишлари етарлича самара бермаяпти. Ўтган бир ой давомида шаҳар мактаблари ўқувчилари томонидан икки марта оммавий ҳуқуқбузарлик қайд этилди ва ҳар иккала ҳолат ҳам навқирон ўсмирнинг ўлими билан якунланди»,- дейди инспектор.

Ходимнинг таъкидлашича, ўсмирларни 24 соат давомида назорат қилишнинг иложи йўқ. Бунинг учун мактаб, оила, маҳалла ҳамкорликда иш олиб бориши керак. Аммо айрим ота-оналарининг фарзандлари тарбиясига етарлича вақт ажрата олмаётганликлари, айни ўсмир ёшда назоратсиз ташлаб қўяётганликлари шундай фожеаларга сабаб бўлмоқда.

Эслатиб ўтиш жоиз, бундан бир ойча олдин ҳам шаҳар ХТБга қарашли 29 ва 10-мактабнинг юқори синф ўқувчилари ўртасидаги можаро муштлашувга сабаб бўлган, оқибатда Асрор исмли 9-синф ўқувчиси пичоқ орқали етказилган тан жароҳатидан сўнг ҳаётдан кўз юмганди.

Шоҳида Саидова
eltuz.com

Тағин ўқинг
25 сентябр 2015
“Далани кўришга борган ўзбек ҳуқуқбони таҳқирланди” деган тагсарлавҳани кўрганлар, пинак бузишмайди, чунки Ўзбекистонда ҳар йили пахта терилиши, тағин бутун ...
12 сентябр 2017
«Элтуз» нашрининг Фарғона вилоятидаги манбаларига кўра, туманларнинг узоқ ҳудудларида ўқитувчи, шифокор ва талабалардан таркиб топадиган терим отрядлари учун ётоқ ...
16 август 2017
2018 йилги Green Card лотереяси натижаларига кўра, Америкада яшаш имконини олган ғолиблар миқдори бўйича Ўзбекистон бешликдан ўрин олди. Бешликка ...
8 май 2017
3 май – Жаҳон матбуот эркинлиги кунига бағишлаб “Олтин қалам” мукофотларини топшириш маросими журналистлар ва айрим нашрлар эътирозига сабаб ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...