Асосий мавзулар
3 июл 2018

Уйчилик қариялар МИБ бошлиғини сазойи қилишди

Уйчида туман аҳлини ҳақорат қилган Мажбурий ижро бюросининг тумандаги бўлими раҳбари оқсоқолларнинг ҳассаси таъмини татиб кўрди. (Фото: Мелис Абзаловнинг 1982 йилги «Cуюнчи» фильмида ўхшаш холат талқин этилган эди)

“Озодлик”нинг хабар беришича, МИБнинг Наманган вилояти Уйчи тумани бўлими бошлиғи Шерали Мамаризаев қўл остидаги ходимларини мунтазам таҳқирлаб, ҳақорат қилиб келган.

Бунга туман МИБ ходимларининг аҳолидан қарздорликни ундириш режасини бажаролмагани сабаб бўлган.

Энди оғзига полвон Шералининг шалоқ тилидан янграган гапларни туяга юклаб мағрибга жўнатишнинг имкони йўқ. Шарманда бўламиз.

Ислом Каримов даврида боболарнинг пахтакашлигини кўриб, кўнглингиз озиб кетарди. Улар муллалар бошчилигида пахта териб, орқасидан мактаб ўқувчисини эргаштирарди. Шу усулда ёшларда ватанпарварлик туйғусини кучайтирарди.

Лекин Шавкат Мирзиёевнинг ошкоралик замони бобойларнинг ҳам тилини узун қилган кўринади.

Уйчилик оқсоқоллар Шерали Мамаризаевнинг олдига бориб, нега уйчиликларни ҳақорат қилганини изоҳлаб беришни талаб қилган.

“Озодлик” радиоси манбасининг билдиришича, мақоладан икки кун ўтиб, бир неча нафар отахон тўғри Шерали Мамаризаевнинг иш кабинетига кириб бориб, унинг роса адабини беришган. Бир-икки нафари ҳассаси билан солган ҳам. Кейин бошлиқ қочиб кетган.

“Шундан кейин бошқа кўринмай қолди. Ишни ўринбосари бошқариб турди. Ўтган ҳафта вилоят МИБдан келишиб, янги раҳбарни қўйиб кетишди. Сўконғич раҳбар шу кетганича йўқолди”, дейди манба.

Ҳақиқатан ҳам оқсоқолларнинг яқин ўтмишимиздаги қилиқлари уларнинг обрўсини асло юксалтирмасди. Аксинча, мадҳиябозлик, лаганбардорликка асосланган сиёсат тегирмонига сув қуйиши кўпчиликнинг энсасини қотирарди.
Биз болаликдан катталарнинг, айниқса, кексаларнинг айтганларини сўзсиз ҳақиқатан сифатида қабул қилиш руҳида тарбияланамиз.

Буни, бир томондан, кўпчилик онгига сингдирилгани каби миллий менталитетимизни, қадриятларимизни авайлаб-асраш нуқтаи назаридан бу яхши жиҳат сифатида кўришимиз мумкин.

Бошқа томондан, бундан тарбиянинг ўз мустақил фикрига эга, жамиятдаги ўзгаришларга умумий тарғиботдагидан фарқли мулоҳазаларни билдирадиган авлодни шакллантиришда мураккабликларга сабаб бўлишини ҳам инкор этиб бўлмайди.

Кўпчилик эсласа керак, мустақилликнинг илк йиллариданоқ Ислом Каримов аксарият ишларини кексаларнинг маддоҳона сўзлари билан мустаҳкамлашни одат қилганди.

Назаримизда, “камолотчи” ёшларнинг тўтиқушдек сайрайдиган авлод бўлиб вояга етишида оқсоқолларнинг ҳам каттагина ҳиссаси қўшилди.

Энди эса халқ шаъни ва ғурурини ҳимоя қилишга бел боғлаган уйчилик оқсоқоллар тимсолида боболаримиз уйғонаётганига ишора кўргандек бўляпмиз.

Баҳодир Шариф
Eltuz.com

Тағин ўқинг
4 июл 2018
Милиция капитани, Каттақўрғон шаҳри ички ишлар бўлими терговчиси Санъат Умаров иккита ўзбек аёлини видеокамера олдида ечинтириб таҳқирлади. Воқеа акс ...
12 май 2016
Шу кунларда ўндан ортиқ “Ўзавтосаноат” ходимлари ва усталар зудлик билан Россияга ҳизмат сафарига жўнатилган. GM Uzbekistan заводидаги муҳандиснинг Eltuz.com ...
18 сентябр 2018
Ўзбек интернети қаҳрамони, телебошловчи, сиёсатшунос, сиёсий фанлар номзоди ва Журналистика университети ректори Шерзод Қудратхўжаев рус аёлига қўполлик қилиб, ундан ...
27 апрел 2017
Ҳукумат «Болалар соғлиғига зарар етказувчи ахборотдан уларни ҳимоя қилиш тўғрисида»ги қонун лойиҳасини муҳокамага қўйди. Бу қонун кучга кирса, ҳукумат ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...