Асосий мавзулар
5 июл 2018

Матбуот шовқинидан кейингина аëлни таҳқирлаган капитан ушланди

Бош прокуратура 5 июль куни каттақўрғонлик 31 яшар аёлни ечинтириб таҳқирлаган ИИБ ходими, капитан Санъат Умаровга жиноят иши очилгани ва эҳтиёт чораси сифатида уни ҳибсга олиш масаласи кўриб чиқилаётгани ҳақида хабар берди.

Бир ой олдин, шу йилнинг 3 июнида Каттақўрғонда юз бергани айтилаётган бу воқеа юзасидан иш, «Элтуз» нашрининг ўрганишича, ўзаро «бости-бости» қилинган.

Бироқ 4 июлга келиб «Озодлик» бу ҳақда ёзганидан кейингина Бош прокуратура бу юзадан иш очилгани ҳақида хабар берди.

«Озодлик» радиосида бу видео берилганидан сўнггина милиция капитанига иш очилди

Расмий хабарга кўра, Н.Т исмли аёл ДХХга 22 июнда ариза ёзиб, милиция капитани С.Умаров ва бошқалар уни шаҳар ИИБ биносида ҳақорат қилиб, ечинишга мажбурлашгани ҳақида билдирган.

Н.Т. шу куни, терговга қадар текширув маълумоти бўйича, ИИБ шаҳар маъмурий биносига келтирилгани билдирилади Бош прокуратура хабарида.

«Ҳозирги кунда мазкур иш билан Бош прокурорнинг шахсан ўзи шуғулланмоқда. Умумий ҳолат бўйича хизмат текшируви ҳам бошланган. Тўлиқ у эканлигини билиш учун юзлаштириш, видеодаги овозларни текшириш керак. Чунки унинг юзи кўринмаган. Ҳозирда Умаров ушланган, унга нисбатан қамоқ эҳтиёт чораси қўлланиши масаласи кўриб чиқилмоқда», дея маълумот берган Бош прокуратура жамоатчилик билан алоқалар ва ҳуқуқий ахборот бўлими бошлиғи Сурайё Раҳмонова.

Бироқ аёлнинг уни таҳқирлаган милиция капитанига «даъвоси йўқлиги» ва унинг «шикоят қилмагани» ҳам иддао этилмоқда.

Икки боласи борлигини айтган Н.Т исмли жабрланувчи «Xabar.uz» сайтига воқеа айнан содир бўлгани, Санъат Умаров уни ечинтириб видеога олишдан олдин икки марта оёғига тепганини ҳам билдирган.

«У кийимларимни ечишга мажбурлаб, ўзи видеога олди. Яланғоч ҳолда бозорга олиб бормоқчи эди, ялиниб-ёлворганимдан кейин навбатчи милицияларнинг олдигача олиб бориб, изимга қайтарди. Кейин соат бешгача ушлаб ўтириб қўйиб юборди.

Менинг Санъат Умаровга ҳеч қандай даъвом йўқ. Чунки Каттақўрғонда икки боламдан бошқа ҳеч кимим йўқ. Булар билан душманлашсам ўзимга, болаларимга зиён етказишидан қўрқаман. Шунинг учун ҳеч қаерга шикоят ҳам қилганим йўқ», дейди аёл.

Шунингдек, аёлнинг сайтга билдиришича, прокуратурага у танимайдиган одамлар мурожаат қилишган. Лекин очиқланган бу маълумотлар расмий манбалар томонидан тасдиғини топгани йўқ.

Прокуратура хабарида С.Умаровга қамоқ эҳтиёт чорасини қўллаш масаласи кўриб чиқилаётгани, шунингдек, Каттақўрғон шаҳри ИИБда мазкур ҳолат юзасидан хизмат текшируви ўтказилаётгани билдирилади.

Eltuz.com

Тағин ўқинг
2 июн 2021
Rost24 нашри депутат Сафар Остоновнинг қонунга хилоф тарзда газета бош муҳаррири бўлиб қолаётганига эътибор қаратди. Мақолада билдирилишича, Сафар Остонов ...
14 феврал 2016
Ёзувчилар уюшмаси эксперт гуруҳи қарори билан, «президент кўрсатмасига амал қилмаганлари», “мамлакатда кечаётган улуғвор ишларга дахлдорлигини ҳис этмаганлари учун” ҳайдалганлар ...
14 декабр 2015
Шу кунларда, Озодлик радиоси ва бошқа бир қатор сайтлар тарқатган хабарларга кўра Ўзбекистон бўйлаб МХХ, милиция ва маҳалла фаоллари ...
5 апрел 2015
Бизнинг ҳуқуқ ҳимоячиларимиз, мухолифатчилар ва оддий фуқаролар ҳам одатда ҳокимиятдан адолат ва ҳимоя издашади, – улар шунчаки ҳокимият йўқ ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...