Асосий мавзулар
5 август 2019

“Автотест”нинг ўчи

Ҳайдовчиларни қайта тайёрлаш ва бу ҳақда сертификат бериш тизимини тўлалигича монополия қилиб олган “Avtotest Report” МЧЖнинг кутилмаганда “ўйиндан чиқиши”ни ўзига хос ўч олиш сифатида баҳолаш мумкин. 

Зеро, сўнгги вақтларда таънаю дашномлардан боши чиқмаётган монополистнинг бу қарори айнан малака сертификати йўқлиги учун жарима қўллаш амалиёти жорий этилиши арафасида қабул қилинди. 

Қонунчиликда 3 августдан кучга кирган ўзгаришларга кўра, шу санадан бошлаб барча юридик шахслар ҳайдовчиларидан малака оширишдан ўтгани тўғрисидаги сертификат талаб қилинади. Сертификат бўлмаса, улар энг кам иш ҳақининг бир баробари (223 000 сўм) миқдорида жаримага тортилади. 

“Автотест”нинг қарори қонунчиликдаги айни ўзгаришлар ортидан ҳайдовчиларни қайта тайёрлаш тизимини фалажлаб қўйди.

Чунки юридик шахслар ҳайдовчиларига малакат ошириш сертификати бериш ҳуқуқига эга ягона ташкилот – “Автотест” бу ишни қилишдан бош тортди, унинг ўрнига эса ҳали бошқа бир муассаса лицензия олиб улгургани йўқ. 

Натижада энди сертификат олмаган ҳайдовчиларга тинимсиз жарима ёзила бошланади. 

Гарчи Ўзбекистон мудофаасига кўмаклашувчи “Ватанпарвар” ташкилоти малака ошириш курсларини очиш учун лицензия олиш ишларини ниҳоясига етказаётгани хабар қилинган бўлса-да, ҳали ҳолва пишмаган, оғизга тушмаган. 

Ҳали бу курслар қачон иш бошлайди-ю, қачон ҳайдовчиларга сертификат берилади, буниси ҳам номаълум. 

Тегишли идоралар эса малака сертификати йўқлиги учун жарима қўллаш амалиёти кечиктирилиши ҳақида бирор гап айтмаётгани инобатга олинса, ҳайдовчиларнинг “қонини ичиш” авжига чиқадиган кўринади. 

Яъни “Автотест”нинг қарори ортидан тизимда ўзига хос коллапс етилиб келмоқда ва воқеалар ривожи бу атайин уюштирилган қандайдир “ўйин” бўлиши эҳтимоли юқорилигидан дарак бермоқда. 

“Автотест” манфаати учун ҳатто қонунларни ўзгартириш, бу ҳақда маҳаллий матбуотда босилган мақолаларнинг сайтлардан “йўқолиб қолиши”га ҳам қудрати етадиган компания хўжайинлари шу йўл билан “андишанинг оти қўрқоқ” эмаслигини яна бир марта кўрсатиб қўймоқчи бўляпти. 

“Қудратимизга шубҳа қилсангиз, жарақ-жарақ жарима тўлайсиз”, демоқчи “автотест”чилар. 

Бу бизнес ортидан ҳали бирор марта даромад олгани йўқ”лигини иддао қилаётган компания вакиллари “бизсиз ҳолингизни кўрамиз, ҳали ялиниб келасиз”, деган ишора бермоқда. 

Ялиниб келиш эса бошланди. Ўзбекистон Монополияга қарши курашиш қўмитаси “Avtotest Report”ни юридик шахслар ҳайдовчилари малакасини оширишдан бош тортиш қонун бузилиши сифатида баҳоланишидан огоҳлантирди. 

Ўйинни кўряпсизми? Эртага “Автотест” “Биз бу бизнесдан чиққан эдик, лекин давлатнинг ўзи бизни қайтишга мажбурлади”, дейиш учун замин тайёрламаяптимикин? 

“Элтуз”нинг Ўзбекистондаги ҳамкори

Тағин ўқинг
17 март 2016
Хусусан, “Ўзбекистон овози” газетаси азалдан қишлоқ ва маҳаллаларда шаклланган ҳашар эндиликда мамлакат миқёсига чиққани, бўлиб ўтган ҳашарда 18 миллиондан ...
20 январ 2017
Фарғона вилоятида халқ таълими ва бошқа бюджет ташкилотлари хизматчилари буғдой экилган далаларга маҳаллий ўғит – гўнг сочишга чиқарилди. «Туман ...
17 апрел 2018
Cинов тариқасида тақдим этилаётган, 15 апрелда суратлари пайдо бўлган мактаб формаси ижтимоий тармоқда баҳсларни келтириб чиқармоқда. «Шарқ либослари» дизайнерлик ...
27 март 2017
Баҳор дунёнинг турли нуқталарида турлича келади. Чунки баҳорни ҳамма ўзгача талқин қилади, ўз билганигача таърифлайди. Ўзбекистоннинг босма нашрлари ҳам ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...