Асосий мавзулар
28 декабр 2019

Мирзиëев четдаги мухолифатни Ўзбекистонга киритмоқчи эмас

«Интернетда мухолифат масаласи муҳокама қилиняпти. У қандай фойда келтирган?» — деди Шавкат Мирзиёев Ал-Хоразмий номидаги мактабда 27 декабрь куни ёшлар билан учрашувда. 

Савол туғилади: “Сиз Бош вазир бўлган пайтингизда Хитой ва Россияга ўзбек гази сотилиб, одамларнинг уйларига газ олиб борувчи қувурлар йиллар давомида кесилди. Бундан халқ қандай фойда кўрди? 

Президент Каримовнинг қизи Гулнора Каримова икки миллиард долларни ўмарди. 

Лола ва Темур Тиллаевчи? Бу ебтўймас жуфтлик мамлакатга товарлар импортини якка ўзи монополия қилиб, миллионлаб доллар солиқ ва божхона йиғимларини тўламади.

Қамоқда ётган собиқ бош прокурор Рашид Қодиров қанча ўмарди? 

МХХ генерали Ҳаëт Шарифхўжаевчи? Собиқ бош прокурор ва ДХХ раҳбари Отабек Муродов ва Ихтиëр Абдуллаевларчи? 

Судья Низом Рустамов одамларни ўлимга ҳукм қилмаслик учун 20 минг доллар пора олганида халққа манфаат келтиргандими?  

МХХ жаллоди Нодир Тўрақулов кичик гўдакларни ўлдирганида кимга фойда келтирди? 

Куëвингиз Отабек Умаров 100 минг долларга гладиатор Ҳабиб Нурмагомедов майкасини сотиб олганида халққа фойда келтирдими?

Умуман, сизнинг атрофингиздагилар қандай фойда олиб келди ватанга, жаноб президент?

Ўзбекистон манфаатлари Россия фойдаси йўлида харж қилинаëтгани фойдами?

Каримов даврида Ўзбекистон ташқарисига қувилган “Бирлик” лидери доктор Абдураҳим Пўлатов сиз жим бўлиб турган пайтда прокурорларни “каламуш”, жим рози турган оммани “қорамол” деб атаган эди. Мана, сиз деярли ҳар куни шу одамнинг гапини такрорлаяпсиз. 

Муҳаммад Солиҳ 2005 йилда Ўзбекистон билан Тожикистон ўртасидаги мина майдонларини тозалаш ҳақида гапирган пайтда сиз ўша миналарни жойлаштириш ишига бош вазир сифатида раҳнамолик қилмаганмидингиз?

Ўртоқ президент, сиз комсомол ўтмишингизда мухолифатнинг кераги йўқ, деган зарарли тушунчани миянгизга сингдиргансиз. Тўғри, Шимолий Корея ва Туркманистонда мухолифат йўқ. Эритреяда ҳам йўқ. Аммо АҚШ, Европада, сиз мақтаб оғзингиздан бол томган Германияда мухолифат бор. Мухолифат мамлакат ташқарисида бўладими ëки ичкарисидами, миллат учун зарур. 

Eltuz.com

Тағин ўқинг
14 феврал 2017
Тақиқ ва чекловларга қарамасдан ўзбек ëшлари нишонлайдиган «Севишганлар куни» ҳақида мақола ëзган ўзбек журналисти Дармон Ибрагимов бу кунга “байрам ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ва айрим титрлар кесиб ...
18 июн 2018
Жорий ой сўнггида Ўзбекистон ёшлар иттифоқи (ЎЁИ)нинг навбатдаги қурултойи бўлиб ўтади ва унда мазкур ташкилот раҳбари, президентнинг ёшлар сиёсати ...
15 июн 2017
Ташқи ишлар вазири Абдулазиз Комиловнинг дипмиссия ходимлари ва рахбарлари билан биргаликда режалаган халқ билан тўғридан-тўғри мулоқоти кутилмоқда. Вазирлик сайтида ...
Блоглар
13 апрел 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов эътиборни ...
11 апрел 2021
«From Me to You» (Мендан сенга) — Леннон ва Маккартни дуэти ижро қилган зариф бир ...
8 апрел 2021
2010 йил 7 апрель куни ўз қарорлари билан озиқ-овқат ва коммунал хизматлар учун нарх-навони мислсиз ...